inDriver تاكسي قىزمەتىنىڭ وكىلدەرى ابىرويىن ساقتاپ قالۋ ءۇشىن قازاقستان بيلىگىمەن سوتتاسۋعا نيەتتى. بۇل تۋرالى ۇيالى قوسىمشانىڭ باسشىلىعى "نوۆىي ۆەستنيك"باسىلىمىنا بەرگەن سۇحباتىندا ايتتى، - دەپ حابارلايدى Qamshy.kz Tengrinews.kz -كە سىلتەمە جاساپ.

رەسەيلىك كومپانيانىڭ وكىلدەرىنىڭ ايتۋىنشا، ولاردىڭ رەسپۋبليكا جۇمىسىندا جۇمىسى زاڭدى. "قوسىمشانى قازاقستاندا تەحنيكالىق قۇلىپقا ءتۇسىرۋ سوت تارتىبىندە جۇزەگە اسىرىلمادى. ءبىز ونى زاڭسىز دەپ ەسەپتەيمىز جانە سوت تارتىبىندە دالەلدەمەكپىز"، - دەپ مالىمدەدى ۇيالى قىزمەتتىڭ باسپا ءسوز حاتشىسى نادەجدا الەكسەيەۆا.

"inDriver - تولىقتاي زاڭدى ينتەرنەت-سەرۆيس، ول حالىققا زور پايداسىن تيگىزەدى، بۇل قىزمەت ءناپاقا تابۋعا جانە ساپاردى ىڭعايلى، ارزان ءارى ءقاۋىپسىز ەتۋگە مۇمكىندىك بەرەدى، اسىرەسە كوشەدەگى تاكسيلەرمەن سالىستىرعاندا. جەكە تاسىمالداۋمەن اينالىساتىن جۇرگىزۋشىلەردى تارتۋعا نيەت ءبىلدىرىپ وتىرمىز، ولارعا قۇقىق سالاسىندا جانە قۇجات تىركەۋدە كومەككە ءازىرمىز. ءبىز قازاقستانداعى رەسمي تاسىمالداۋشىلارمەن كەلىسىمشارتقا وتىردىق، ولار جەكە جۇرگىزۋشىلەردىڭ قىزمەتىن تاسىمالداۋ ەرەجەسىمەن سايكەستەندىرەدى"، - دەپ ءتۇسىندىردى الەكسەيەۆا.

باسىلىمنىڭ مالىمەتىنشە، وسىعان دەيىن قاراعاندىلىق تاكسيلەردىڭ گيلدياسىنىڭ وكىلى ۆيكتور شابانوۆ inDriver قىزمەتىنىڭ تاسىمالداۋشىلار اراسىندا ءتارتىپ ورناتۋعا كەدەرگى بولىپ وتىرعانىن ايتقان. 

"ەرەجەدە ءبارى قاراپايىم جازىلعان، - دەيدى ۆيكتور شابانوۆ. - جۇرگىزۋشىنىڭ كەم دەگەندە ديسپەچەر قىزمەتى بولۋى ءتيىس. بۇل نە ءۇشىن؟ ماسەلەن، ول جولاۋشىنى الدى دەلىك، ءبىراق جولدا كولىگى بۇزىلىپ قالدى، ديسپەچەرگە حابار بەرىپ، جولاۋشىنى باسقا كولىك كەلىپ، بارار جەرىنە جەتكىزىپ تاستايدى. ال قوسىمشا ارقىلى تاسىمالدايتىن جۇرگىزۋشى مۇنداي جاعدايدا نە ىستەيدى؟ "بولدى، بۇزىلىپ قالدى، ءتۇسىپ قالىڭىز، ساۋ بولىڭىز" دەيدى. ەشكىمگە شاعىم دا ايتا المايسىز. ونىڭ جولاۋشى ساقتاندىرۋى، 500 مەتردەن كورىنەتىن جارىقشاسى، كولىك بەيدجى، تەحنيكالىق بايقاۋدان وتكەنىن ايعاقتايتىن جول پاراقشاسى جانە مەديسينالىق بايقاۋدان وتكەنى جايلى انىقتاماسى جايلى شارتتارى تاعى بار".

2016 جىلدىڭ ساۋىرىندە رەسمي تاسىمالداۋشىلاردىڭ كوپتەگەن ارىز-شاعىمىنان كەيىن بايلانىس كوميتەتى قازاقستان تەرريتورياسىندا inDriver قىزمەتىنە كىرۋدى شەكتەۋ تۋرالى شەشىم قابىلداعان بولاتىن. كەيىن inDriver قايتا جۇمىس ىستەپ تۇردى. ەندى قاراعاندىلىق تاكسي جۇرگىزۋشىلەرى ۆيرتۋالداعى ارىپتەسىنىڭ ۇستىنەن تاعى دا شاعىم ءتۇسىرىپ وتىر.