استاناداعى «بايتەرەك» مونۋمەنتى جانىندا «Astana Motorsports» كومانداسىنىڭ ەكيپاجدارىن تانىستىرۋعا ارنالعان ۇلكەن مەرەكەلىك شارا ءوتتى. وعان استانا قالاسىنىڭ جاڭا اكىمى اسەت يسەكەشيەۆ تە قاتىسىپ قايتتى. الايدا ءىس-شاراعا جينالعان حالىق قالانىڭ جاڭا باسشىسىن تانىماي قالعان ءتارىزدى، - دەپ حابارالايدى Qamshy.kz Baq.kz -كە سىلتەمە جاساپ.

بالكىم، اسەت ورەنتاي ۇلى سول جەردە حالىقتىڭ ونى تانىماعانىن ءوزى دە قالاعان شىعار. سەبەبى ادامدار ونىڭ اكىم ەكەنىن ءبىلىپ قويسا، ارىز-شاعىمداردىڭ كوبەيەتىنى بەلگىلى. سودان بولار، قالانىڭ جاڭا باسشىسى ساحنانىڭ شەتىندە تۇرىپ، «Astana Motorsports» كومانداسىمەن بىر-ەكى رەت فوتوعا تۇسكەننەن كەيىن ءوز «كومانداسىمەن» سەرۋەندەپ كەتتى.

استانا اكىمى «بايتەرەك» مونۋمەنتىنەن «نۇرساياعا» دەيىن جاياۋ ءجۇرىپ، سول جەردە ءبىراز ۋاقىت تۇرىپ، ءوز ورىنباسارلارىمەن اڭگىمەلەستى. سوندا دا ول حالىق كوپ جۇرەتىن سۋ بۇرقاقتار جاقتا ەمەس، «نۇرسايا-2» تۇرعىن ءۇي كەشەنىنىڭ بۇرىشىندا ايالداۋدى ءجون كوردى.

سول جەردە جارتى ساعاتتان ارتىق ۋاقىت تۇرعان قالا اكىمىن ەشكىم تانىمادى. ءبىز ونىڭ ءدال قاسىنان جاياۋ جۇرگىنشىلەر جولاعىمەن وتكەن بىرنەشە ادامنان: «اناۋ جەردە تۇرعان ادامدى تانىمادىڭىز با؟»، - دەپ سۇراپ ەدىك. ءبارى: «جوق، تانىمادىق»، - دەپ جاۋاپ بەردى.