استاناعى "اتا-كەنت" تۇرعىن ءۇي كەشەنىندە ءوز بالكونىندا ءوزىن-وزى ورتەمەك بولعان ولگا سۆەتكوۆا ءىز-تۇسسىز جوعالىپ كەتتى، - دەپ حابارلايدى Qamshy.kz NewTimes.kz -كە سىلتەمە جاساپ.

ءوزىن ورتەمەك بولعان ولگا سۆەتكوۆانى استانا اكىمدىگىنىڭ قىزمەتكەرلەرى ىزدەپ جاتىر. ايەل قۇرىلىس كومپانياسىنان وزىنە تيەسىلى اقشانى الۋى كەرەك ەدى، الايدا ءىز-تۇسسىز جوعالىپ كەتكەن.

سۆەتكوۆانىڭ جوعالۋىن ونىڭ زاڭگەرى ماحامبەت ءابجان دا راستاپ وتىر.

-مەن ونىمەن بايلانىسقا شىعا الماي وتىرمىن. تەلەفونى ءسوندىرۋلى. ءتىپتى نە ىستەرىمدى بىلمەيمىن. ونىڭ قارجىلىق جاعدايى وتە اۋىر ەدى. بار قۇندى زاتىن لومبارقا وتكىزىپ تاستاعان. وزىنە بەنزين قۇيعان پاتەردەن ونى قۋىپ شىققان. سۆەتكوۆانى اكىمدىكتىڭ ىشكى ساياسات ءبولىمى قىزمەتكەرلەرى، جۋرناليستەر ءبارى ىزدەپ جاتىر. ماعان حابارلاسىپ سۇرايدى، ءوزىم دە ونىڭ قايدا ەكەنىن بىلمەيمىن، - دەيدى قۇقىق قورعاۋشى ماحامبەت ءابجان.

ەستەرىڭىزگە سالا كەتەيىك، 5 شىلدە كۇنى كوكتال شاعىن اۋدانىندا جاڭا سالىنىپ جاتقان ۇيدەن پاتەر الۋ ءۇشىن توعىز ميلليون تەڭگە قۇيعان ولگا سۆەتكوۆا ءشىنشى قاباتتاعى ءوز پاتەرىنىڭ بالكونىندا ۇستىنە بەنزين قۇيىپ، ءوزىن-وزى ورتەمەك بولعان ەدى. وقيعا ورنىنا «اتا كەنت» تۇرعىن ءۇي كووپەراتيۆىنىڭ باسشىسى قايرات بوداۋحان  جەتى كۇننىڭ ىشىندە قۇيعان قارجىسىن قايتارىپ بەرەتىنى تۋرالى قولحات جازىپ بەرگەن ەدى.

ايەل كەشە 12 شىلدە كۇنى اقشاسىن قايتارىپ الۋى كەرەك بولعان.