قوستاناي تۇرعىنى 39 جاستاعى گالينا ۆوروبيەۆا سەمىزدىكتىڭ ءتورتىنشى كەزەڭىنە جەتىپ، اۋىر سالماقتان زارداپ شەگىپ وتىر، - دەپ حابارلايدى Qamshy.kz Alau.kz -كە سىلتەمە جاساپ.

گالينانىڭ سالماعى 350 كەلىگە جەتكەن. دارىگەرلەر ونىڭ تۋا ءبىتتى سىرقاتتان كەيىن شەكتەن تىس سالماق قوسقانىن ايتادى. ەشقاشان ارىق بولماعان گالينا ءوزىنىڭ ەرەكشە ەكەنىن بالا كەزدەن بايقاعان.

-مەندە ءبىر نارسەنىڭ دۇرىس ەمەس ەكەنىن بايقايتىنمىن. ويتكەنى انام ەكەۋىمىز بىردەي ولشەمدى كيىم الاتىنبىز. مەن 11 جاسىمدا، ەسىمدە، انام 50 نەمەسە 52 ولشەمدى كيىم كيەتىن، مەن دە سولاي، - دەيدى گالينا ۆوروبيەۆا.

گالينانىڭ ايتۋىنشا، وعان 14 جاسىندا "جۇيكەنىڭ سىر بەرۋىنەن زاتالماسۋدىڭ ءتۋابىتتى بۇزىلۋى" دەگەن دياگنوز قويلعان. 

9 سىنىپتى بىتىرگەن گالينا ءۇش جىل بويى ۇيىنەن شىعا الماي قالعان. سوسىن ول ۇيدە قاراپ وتىرماي، قوستاناي وبلىستىق اۋرۋحاناسىندا سانيتار بولىپ جۇمىس ىستەگەن. ءارى قاراي ساتۋشى دا، كۇزەتشى دە بولعان.

"ول كەزدە سالماعىم ايتارلىقتاي قيىندىق تۋدىرمايتىن. وزىمە جاراساتىن كيىمدەر كيەتىنمىن. دوستارىم دا، ماعان عاشىق بولعان ەر ازاماتتار دا كوپ ەدى"، - دەيدى گالينا.

گالينا ۆوروبيەۆا دارىگەرگە سوڭعى رەت 1991 جىلى قارالعان. دەنساۋلىعىنا كوپ شاعىمدانبايتىن گالينانىڭ جاعدايى بىرنەشە اپتا بۇرىن كۇرت ناشارلاپ،  ونى قۇتقارۋشىلار قوستاناي وبلىستىق ەمحاناسىنا جەتكىزگەن. ايەلدى ەكسكاۆاتورمەن تاسۋعا تۋرا كەلىپتى.