ق ر مادەنيەت جانە سپورت مينيسترلىگىنىڭ مادەنيەت ىستەرى جونىندەگى دەپارتامەنتىنىڭ ديرەكتورى اقتوتى رايىمقۇلوۆا "فەنيكس" ءفيلمىنىڭ رەجيسسەرى تالعات جانىبەكوۆ پەن مينيستر ارىستانبەك مۇحامەدي ۇلىنىڭ اراسىندا شىققان داۋعا قاتىستى پىكىر ءبىلدىردى، - دەپ حابارلايدى Qamshy.kz Tengrinews.kz -كە سىلتەمە جاساپ.
ايتا كەتەيىك، داۋ 2015 جىلدىڭ ماۋسىمىندا شىققان ەدى. "فەنيكس" ءفيلمىن تۇسىرۋشىلەر قازاقستاننىڭ مادەنيەت جانە سپورت مينيسترلىگىن ءتۇسىرىلىم جۇمىستارىن ءۇزىپ تاستادى دەپ ايىپتاعان ەدى. كەيىن ولار ارىستانبەك مۇحامەديۇلىن رەسەيلىك-امەريكالىق Aldamisa Entertainment كومپانياسىمەن بىرىككەن "فەنيكس" جوباسى توقتاپ قالعانىنا بايلانىستى ايىپتاعان ەدى. تاياۋدا رەجيسسەر تالعات جانىبەكوۆ مۇحامەدي ۇلى بوپسالاۋمەن اينالىستى دەپ مالىمدەپ، ۆيدەو جاريالاعان بولاتىن. ايتۋىنشا، مينيستر ءفيلمدى قارجىلاندىرۋ ءۇشىن اقشا سۇراعان.
"قوعامنىڭ ءاربىر مۇشەسىنىڭ ءوز پىكىرى بار. مينيسترلىك مادەنيەت سالاسىنداعى قۇزىرلى ورگان. تاقىرىپتىق ماسەلەلەر - تاعايىنداۋ، دامىتۋ، توقتاتۋ جۇمىستارىن كينووندىرىستىڭ نەگىزگى فابريكاسى سانالاتىن "قازاقفيلم" ىسكە اسىرادى. ولاردىڭ شەشىمى ساراپشىلار كوميتەتىنىڭ شەشىمىنە نەگىزدەلگەن. بۇل شىعارماشىلىق ماسەلەر جانە ونى كينوستۋديا شەشىپ، مينيسترلىككە ۇسىنادى. (...) ايتىلعان ايىپتاۋلاردىڭ بارلىعىن زاڭگەرلەر مەن ءتىل ماماندارى زەرتتەپ جاتىر. ناتيجەسى كەيىن ۇسىنىلادى"، - دەدى رايىمقۇلوۆا قازاقستاندىق كينەماتوگرافيانىڭ دامۋ كونسەپسياسى تالقىلانعان دوڭگەلەك ۇستەلدىڭ ۇزىلىسىندە.
باستاپقىدا دوڭگەلەك ۇستەلگە مينيستر مۇحامەدي ۇلىنىڭ ءوزى كەلۋى كەرەك بولعان، الايدا ول جۇمىس كەستەسىنىڭ قاۋىرتتىعىنا بايلانىستى شاراعا قاتىسا الماپتى.
