12 شىلدە كۇنى الەۋمەتتىك جەلىدە تارالعان ماسەلە بويىنشا  ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ قۇقىعى مەن مۇددەسىن ادۆوكات ەسكەندىر الىمبايەۆ سوت ارقىلى قورعايتىن بولادى، - دەپ حابارلايدى Qamshy.kz.

بۇل تۋرالى ادۆوكات ەسكەندىر الىمبايەۆتىڭ ءوزى مالىمدەمە جاسادى.

«ماعان، الماتى قالاسىنىڭ ادۆوكاتتار القاسىنىڭ ادۆوكاتى ەسكەندىر الىمبايەۆقا، زاڭدا بەلگىلەنگەن تارتىپپەن، مۇحامەدي ارىستانبەك ۇلىنىڭ قۇقىعى مەن مۇددەسىن قورعاۋ تاپسىرىلدى. ادۆوكاتتىق وكىلەتتىكتەر اياسىندا، ب ا ق وكىلدەرىنە مىناداي مالىمدەمە تاراتقىم كەلەدى. 

ينتەرنەت جەلىلەرىندە 12 شىلدە 2016 جىلى ءبىرقاتار مازمۇنداعى بەينەروليكتەن تۇراتىن ماتەريال پايدا بولدى (نەمەسە وسى روليككە سىلتەمەلەر دە ينتەرنەتتە ءجۇر). وندا ءوزىن رەجيسسەر تالعات جانىبەكوۆ رەتىندە تانىستارعان ازامات، مادەنيەت جانە سپورت مينيسترلىگىنە جانە سول ۆەدومستۆو باسشىسى ارىستانبەك مۇحامەديۇلىنا قاتىستى راستالماعان مالىمەتتەر تاراتقان. بۇدان بولەك، روليكتە مۇحامەدي ۇلىنىڭ زاڭسىز ارەكەتىن «قورعاشتاعان» سىڭاي تانىتقان قازاقستان رەسپۋبليكاسى «بيلىكتەرى» قىزمەتىنە جاعىمسىز باعا بەرىلىپ وتىر.  اتالعان ماتەريالداعى بەينەروليككە قىسقاشا مازمۇنداما بەرىلگەن. وندا ت.جانىبەكوۆ قازىرگى كۇنى «فەنيكس» اتتى كوركەم فانتاستيكالىق فيلم ءتۇسىرىپ جاتقانىن، الايدا ونىڭ ءوندىرىسى ا.مۇحامەدي ۇلىنىڭ كىناسىنەن زاڭسىز «توقتاتىلعانىن» ايتادى. بۇدان بولەك، ازامات ت.جانىبەكوۆ قازاقستان رەسپۋبليكاسىنىڭ سوت بيلىگىنىڭ قىزمەتىنە دە كۇمان كەلتىرىپ، سونىڭ ىشىندە سوتتار «...قاراپايىم ءبىر شۋىلداق بالاعانعا ۇقسايدى. مەن مۇنىڭ ءبارى قالاي جاسالاتىنىن تۇسىنەمىن، ونىڭ ءبارى قوڭىراۋلار ارقىلى جۇزەگە اسادى» دەپ اتاپ وتەدى. بۇدان بولەك، ت.جانىبەكوۆ «ءبىز ءبىرقاتار قۇجاتتاردى اشىق كورسەتەمىز، بۇندا ۇرلىق جاسالىپ جاتىر، سونىڭ ىشىندە بۇل ۇرلىققا سەرىك جۇباندىقوۆ، ارىستانبەك مۇحامەدي ۇلىنىڭ قاتىسى بار...» دەپ مالىمدەيدى. بۇدان بولەك، روليكتە باسقا دا سەنىمسىز اقپاراتتار تاراتىلعان. وسىعان بايلانىستى ت.جانىبەكوۆ تاراتقان مالىمەتتەر، ونىڭ قازاقستان رەسپۋبليكاسىنىڭ مەملەكەتتىك بيلىك ورگاندارىنا جانە مادەنيەت جانە سپورت ءمينيسترى ارىستانبەك مۇحامەدي ۇلىنىڭ قىزمەتىنە بەرگەن باعاسى شىندىققا جاناسپايتىنىن راستايمىز. ا.مۇحامەدي ۇلىنىڭ ءوزى زاڭمەن بەلگىلەنگەن ءتارتىپ اياسىندا ءوزىنىڭ بۇزىلعان قۇقىقتارىن سوت ارقىلى قالپىنا كەلتىرۋگە نيەتتى»، - دەپ مالىمدەدى ادۆوكات.

ونىڭ ايتۋىنشا، جاقىن ارالىقتا مينيستر ا.مۇحامەدي ۇلى زاڭدا بەلگىلەنگەن تارتىپپەن ءوزىنىڭ ار- نامىسىن، ىسكەرلىك بەدەلى مەن ابىرويىن قورعاۋعا، سونىمەن قاتار، سەنىمسىز جالعان اقپاراتتى تاراتقان تۇلعانى جاۋاپقا تارتۋعا باعىتتالعان شارالاردى قابىلدايدى.

ەستەرىڭىزگە سالا كەتەيىك، بۇعان دەيىن رەجيسسەر تالعات جانىبەكوۆ مۇحامەدي ۇلى بوپسالاۋمەن اينالىستى دەپ مالىمدەپ، ۆيدەو جاريالاعان بولاتىن. 

سونداي-اق، ق ر مادەنيەت جانە سپورت مينيسترلىگىنىڭ مادەنيەت ىستەرى جونىندەگى دەپارتامەنتىنىڭ ديرەكتورى اقتوتى رايىمقۇلوۆا "فەنيكس" ءفيلمىنىڭ رەجيسسەرى تالعات جانىبەكوۆ پەن مينيستر ارىستانبەك مۇحامەدي ۇلىنىڭ اراسىندا شىققان داۋعا قاتىستى پىكىر بىلدىرگەن ەدى.