اقتاۋ جوعارعى وقۋ ورىندارىنىڭ بىرىندە جانجال شىقتى. وعان بىردەن 50 ستۋدەنتتىڭ ديپلومدىق جۇمىسىن قورعاي الماعانى سەبەپ بولعان، - دەپ حابارلايدى Qamshy.kz كتك ارناسىنا سىلتەمە جاساپ.

ديسسەرتاسيالار ءبىلىم مينيسترلىگىنەن كەلگەن كوميسسيانىڭ كوڭىلىنەن شىقپاي، كۇزدە قايتا تاپسىرۋعا جىبەرىپتى. ستۋدەنتتەردىڭ ديپلومدىق جۇمىستى قورعاي الماۋىنىڭ دا سەبەپتەرى بار ەكەن. سويتسە، ونى ەشقايسىسى جازا الماي، ساتىپ العان كورىنەدى.

اقتاۋداعى گۋمانيتارلىق-تەحنيكالىق ۋنيۆەرسيتەتىنىڭ بۇل ستۋدەنتتەرى كۇنى كەشە كوپتەن كۇتكەن ديپلومعا قول جەتكىزدىك دەپ ويلاعان. ءتىپتى ساۋىق كەشىنە قامدانىپ تا قويعان ەكەن. ءبىراق تەكسەرۋگە كەلگەن مەملەكەتتىك كوميسسيا بۇل جوسپاردىڭ تاس-تالقانىن شىعاردى. ويتكەنى، ستۋدەنتتەردىڭ ديپلومدىق جۇمىسى تالاپقا ساي ەمەس دەپ تانىلعان.

راحاش بايتۇروۆا:

 -ىشپەي-جەمەي، كيىنبەي ەڭبەك ەتىپ، وسى بالالار ەرتەڭ قارا جۇمىسشى بولماسىن، قولدارىندا ديپلوم بولسىن دەپ وقىتىپ جاتىرمىز. بۇل قالاي بولعانى، تۇسىنبەي وتىرمىن. ەڭبەگىمىز ەش كەتتى ما، بالالارىمىز قاڭعىپ وقىدى عوي.

ءوز عىلىمي جۇمىستارىن تەك ساناۋلى ستۋدەنت قورعاي الىپتى. ال ءبىرىنشى كۇنى-اق 50 ديپلومدىق جۇمىستا كەمشىلىكتەر تابىلعان. ولاردىڭ قاتارىندا بولاشاق قارجىگەرلەر مەن قازاق ءتىلى ءپانىنىڭ مۇعالىمدەرى بار. ستۋدەنتتەر ۋنيۆەرسيتەتتە ءبىلىمنىڭ جوقتىعىنان ديپلوم جۇمىسىن ۇستازدارىنان ساتىپ العانىن اشىق ايتىپ وتىر.

جۇپار قۇلتايەۆا، 4 كۋرس ستۋدەنتى:

-«مىناۋ دۇرىس ەمەس» ساتىپ الدىڭدار دەيدى. ارينە، ءبىز ساتىپ الامىز. بىزدە ءبىلىم جوق. مىنا جاقتا دۇرىس ءبىلىم بەرگەن جوق. بىزگە باعىت-باعدار بەرەتىن عىلىمي جەتەكشى تاعايىندالعان جوق.

-قىزدار بىزدە جوق قوي؟

-جوق! 

گۇلنار تاجىقوجايەۆا، 4 كۋرس ستۋدەنتى:

-الماتىدان كەلگەن كوميسسيا مىنا ديپلومدارىڭدى قابىلدامايمىن، وتپەيدى دەدى. الماتىداعى ۋنيۆەرسيتەتتىڭ ماگيستراتۋراسىنا تۇسەتىن بولساڭدار مەن قابىلدايمىن ديپلومدى. تۇسپەسەڭدەر قابىلدامايمىن دەيدى.

اشۋلى ستۋدەنتتەر بۇگىن رەكتوردى جاعادان الۋعا دەيىن باردى. سەبەبى، ءبىلىم ساپاسىنا سول جاۋاپتى. ال جۇمىستاردى بىرىنەن سوڭ ءبىرىن قايتارعان كوميسسيا مۇشەلەرى بۇنداي دايىندىقتاعى بولاشاق ماماندار ءۇشىن جاۋاپكەرشىلىكتى ءوز موينىنا العىسى جوق.

الما ءتۇسىپوۆا، مەملەكەتتىك كوميسسيا مۇشەسى:

-پروستو وني سامي ن دەلالي ەتي رابوتى.

-نە سامي؟

-كونەچنو!

-ۆى سچيتاەتە چتو وني كۋپيلي ەتي ديپلومى؟

-زاپروستو! ۋ نيح ۆ گولوۆە دەنگي. كومۋ وني وتدالي پۋست وني ي وتۆەچايۋت. يزۆينيتە، ۆوت زا تاكوي بالوگان مەنيا پو گولوۆە نە پوگلاديات. مى سپەسياليستى ي نە يمەەم پراۆا دەلات تاكوگو. منە ستىدنو دەرجات تاكيە رابوتى ۆ رۋكاح.

دەگەنمەن ستۋدەنتتەرگە ءوز كەمشىلىكتەرىن تۇزەۋگە كۇزگە دەيىن ۋاقىت بەرىلدى. تەك ەندى ديپلومدىق جۇمىستى بولاشاق ۇستازدار مەن قارجىگەرلەردىڭ وزدەرىنە جازۋعا تۋرا كەلەدى.