الماتىدا تۋبەركۋلەز جۇقتىرعان 22 ناۋقاس ەم الۋدان باس تارتىپ وتىر، - دەپ حابارلايدى Qamshy.kz Tengrinews.kz -كە سىلتەمە جاساپ.

بۇل تۋرالى جەتىسۋ اۋدانىنىڭ پروكۋراتۋراسى حابار تاراتقان.

پروكۋراتۋراداعىلار ازاماتتىق ىستەر بويىنشا تۋبەركۋلەز اۋرۋىنا شالدىعىپ، ەم الۋدان باس تارتىپ وتىرعان ازاماتتاردى ەرىكسىز ەمدەۋ تۋرالى ساراپتاما جۇرگىزدى. قالاداعى تۋبەركۋلەزگە قارسى ۇيىمداردىڭ مالىمەتىنشە، الماتىدا شىلدە ايىندا تۋبەركۋلەزبەن اۋىراتىن 42 ناۋقاس ەم الۋدان باس تارتقان. سوتتىڭ شەشىمى بويىنشا 20 ناۋقاس اۋرۋحاناعا جەتكىزىلسە، قالعان 20-ى ەم الۋدان باس تارتقان.

ق ر "حالىق دەنساۋلىعى جانە دەنساۋلىق ساقتاۋ جۇيەسى" زاڭىنا سايكەس، جۇقپالى تۋبەركۋلەز اۋرۋىنا شالدىققان ناۋقاستار اۋرۋحانادا ەم الۋعا مىندەتتەلەدى. سەبەبى، قوعامدىق ورىنداردا ولار اۋا-تامشىلى جۇقپا ارقىلى باسقا ادامدارعا اۋرۋدى جۇقتىرۋ ءقاۋپى بار.

ايتا كەتەيىك، ناۋقاستاردى ەرىكسىز ەمدەۋدىڭ سەبەبى ولاردىڭ دارىگەرلەر بەلگىلەگەن ەمنەن باس تارتىپ، ونىمەن قويماي تۋبەركۋلەزگە قارسى ۇيىمداردان ءوز بەتىمەن كەتىپ قالۋ جانە ەم الۋ رەجيمىن بۇزۋ بولىپ وتىر.

"تۋبەركۋلەزگە شالدىعىپ، ەم الۋدان باس تارتقان ازاماتتاردى ەرىكسىز ەمدەۋ تۋرالى شەشىمدى سوت قابىلدايدى. پروكۋراتۋرا ساراپتامالارىنىڭ قورىتىندىسى بويىنشا ۋاكىلەتتى ورگاندارعا ناۋقاستاردى جەدەل تۇردە مەديسينالىق مەكەمەلەرگە جەتكىزۋ جانە زاڭ بۇزۋشىلىقتاردى جويۋ مىندەتتەلدى"، - دەپ قورىتىندىلادى ءسوزىن اۋداندىق پروكۋراتۋرا ءبولىمىنىڭ باسشىسى امان وماروۆ.