ايماق باسشىسى دانيال احمەتوۆ كاتونقاراعاي اۋدانىنا جۇمىس ساپارى بارىسىندا بەرەل قورعاندارىنىڭ نەگىزىندە ەتنوتۋريزمدى دامىتۋ جوسپارىن دايىنداپ، تۋريستەردى تارتۋ ءۇشىن بارلىق جاعداي جاساۋدى تاپسىردى، - دەپ حابارلايدى Qamshy.kz.
ەتنوتۋريزمدى دامىتۋ ايماقتىق جوسپارىنا كيىز ءۇي ۇلگىسىندەگى ۇلتتىق ناقىشتاعى قوناق ءۇي، ارنايى جابدىقتالعان تاماقتانۋ نىساندارىن سالۋ سىندى شارالار ەنگىزىلەدى. سونىمەن قاتار، ايماق باسشىسى بەرەل جازىعىنا كەلگەن ادامدار ول جەردىڭ قۇندىلىعى مەن كونە زاماننىڭ رۋحىن سەزىنۋ قاجەتتىلىگىن اتاپ ءوتتى. وسى رەتتە اتپەن ءجۇرۋ جانە جاياۋ جۇرگىنشىلەرگە ارنالعان جول باعدارلارىن دايىنداۋدى تاپسىردى.
اتالعان جوسپاردى ىسكە اسىرۋ بارىسى قىركۇيەك ايىنىڭ باسىندا وسكەمەن قالاسىندا وتەتىن حالىقارالىق عىلىمي-پراكتيكالىق كونفەرەنسيا بارىسىندا تالقىلانادى.
– ءبىز قورعانداردىڭ بەتىنە ساركوفاگ ورناتۋ جۇمىستارىن جىل سايىن قارجىلاندىرۋعا دايىنبىز، - دەدى شقو اكىمى ارحەولوگيالىق ەكسپەديسيا جەتەكشىسى، پروفەسسور زەينوللا ساماشيەۆقا. – وسىلايشا، ءبىر جاعىنان، ارحەولوگتار تاريحي مۇرامىزدى زەرتتەۋ جۇمىستارىن جۇرگىزسە، ەكىنشى جاعىنان، عىلىم سالاسىمەن بايلانىستى بيزنەس-ۇردىستى دامىتاتىن بولامىز.
كاتونقاراعاي اۋدانىنىڭ اكىمدىگى ءتۋريزمدى دامىتۋ باعدارلاماسىن دايىنداۋ ماقساتىندا كاسىپكەرلەردى تارتۋمەن اينالىسادى.
شىعىس قازاقستان وبلىسىندا بيىل 2016-2018 جىلدارعا ارنالعان ارحەولوگيا سالاسىندا عىلىمي زەرتتەۋ جۇمىستارىن دامىتۋ جوسپارى شەڭبەرىندە ەلىمىزدىڭ جانە شەت ەلدەردىڭ جەتەكشى عالىمدارى بەس كونە ارحەولوگيا ەسكەرتكىشتەرىندە اۋقىمدى قازبا جۇمىستارىن جۇرگىزىپ جاتقاندىعىن ايتا كەتۋ كەرەك.
