انيماسيالىق كينو قاۋىمداستىعىنىڭ پرەزيدەنتى عالي مىرزاشيەۆ  رەجيسسەر تالعات جانىبەكوۆتى قولدايتىنىنى ايتىپ، قازاقستان كينويندۋستريسىنداعى جەمقورلىق تۋرالى اشىق پىكىر ءبىلدىردى، - دەپ حابارلايدى Qamshy.kz Informburo.kz -كە سىلتەمە جاساپ.

-«قازاقفيلم» مينيسترلىك اتىنان قاراجاتتى كىمگە بەرۋ كەرەكتىگىن بۇرىننان ءوزى شەشەدى. مىسالى، قازاق حاندىعىنىنڭ 550 جىلدىعىنا وراي 2 ميلليون دوللاردى شىمكەنتتىك انيماسيالىق ستۋدياعا بەردى. مەن شىمكەنتتىكتەرگە قارسى ەمەسپىن، ءبىراق، ولاردا ارنايى ءبىلىمى بار ماماندار جۇمىس ىستەمەيدى. اۋەسقويلىقپەن ءوزى ۇيرەنگەندەر. بايقاۋ قايدا؟ شارت قايدا؟ ءتىپتى «كوشپەندىلەر» ءفيلمىن تۇسىرەردە دە تيمۋر بەكمامبەتوۆ ءوز ترەيلەرىن ۇسىنعان، ونىڭ سوزىنە ەشكىم قۇلاق اسپاعان، – دەيدى عالي مىرزاشيەۆ.

مەملەكەتتىك قولداۋعا مۇقتاج ەمەس ەكەنىن ايتقان قاۋىمداستىق پرەزيدەنتى كينو سالاسىندا نەبىر جەمقورلىقتىڭ بار ەكەنىن، جانىبەكوۆ تەك سونىڭ شەتىن عانا ىشعارعانىن ايتا كەلە، "حالىق مۇنى ءبىلۋى كەرەك" دەدى.

ەستەرىڭىزگە سالا كەتەيىك، بۇعان دەيىن رەجيسسەر تالعات جانىبەكوۆ مۇحامەدي ۇلى بوپسالاۋمەن اينالىستى دەپ مالىمدەپ، ۆيدەو جاريالاعان بولاتىن.

سونداي-اق، ق ر مادەنيەت جانە سپورت مينيسترلىگىنىڭ مادەنيەت ىستەرى جونىندەگى دەپارتامەنتىنىڭ ديرەكتورى اقتوتى رايىمقۇلوۆا "فەنيكس" ءفيلمىنىڭ رەجيسسەرى تالعات جانىبەكوۆ پەن مينيستر ارىستانبەك مۇحامەدي ۇلىنىڭ اراسىندا شىققان داۋعا قاتىستى پىكىر بىلدىرگەن ەدى.

ال ق ر مادەنيەت جانە سپورت ءمينيسترى ارىستانبەك مۇحامەدي ۇلى ادۆوكاتى ارقىلى ار-وجدانىنا نۇقسان كەلتىرگەن رەجيسسەردى سوتقا بەرەتىنىن مالىمدەگەن.