نيسسادا تەراكت جاسالدى. بەلگىسىز بىرەۋلەر كوشەدەگىلەرگە قاراتا وق اتقان، - دەپ حابارلايدى Qamshy.kz ريا نوۆوستي باسىلىمىنا سىلتەمە جاساپ.

جۇك كولىگى باستيليانى ازات ەتۋ كۇنىن مەرەكەلەپ جۇرگەن ءبىر توپ ادامدى قاعىپ وتكەن، كولىكتەن شىققان بەلگىسىز ادامدار ماڭايداعىلارعا وق اتقان.

جەرگىلىكتى بيلىك قارۋلى شابۋىلدى تەراكتى دەپ سانايدى. الدىن الا مالىمەت بويىنشا، 80-گە جۋىق ادام قازا تاۋىپ، 100-دەن اسا ادام زارداپ شەككەن. 

نيسساداعى تەراكت كەزىندە قازا تاپقانداردىڭ اراسىندا قازاقستاندىقتار جوق. بۇل تۋرالى ق ر سىرتقى ىستەر مينيسترلىگى Twitter جەلىسىندە جاريا ەتتى.

"قازىرگى ۋاقىتتا نيسساداعى تەراكت سالدارىنان قازا تاپقانداردىڭ اراسىندا قازاقستان ازاماتتارى تۋرالى مالىمەت جوق. مالىمەت تەكسەرىلىپ جاتىر. نيسساداعى تەراكتىنى ۇزىلدى-كەسىلدى ايىپتايمىز. فرانسيا حالقىنا كوڭىل ايتامىز. تەرروريزم - الەمگە جانە بۇكىل الەمدەگى قاۋىپسىزدىككە ءتونىپ تۇرعان ءقاۋىپ"، - دەلىنگەن حابارلامادا. 

نيسسادا ادامدار توبىن قاعىپ كەتكەن جۇك كولىگىنىڭ جۇرگىزۋشىسىنىڭ ءاتى-جونى انىقتالدى. ول تۋنيس تۋماسى، 31 جاستاعى جەرگىلىكتى تۇرعىن بولىپ شىقتىكۋاگەرلەردىڭ ايتۋىنشا، جۇك كولىگى توقتاماستان، ارلى-بەرلى ءجۇرىپ، ادامداردى ەكى شاقىرىم بويىندا قاعىپ جۇرگەن. جۇك كولىگىنىڭ جۇرگىزۋشىسى ءولتىرىلدى. نيسساداعى شابۋىلدان كەيىن ارنايى وپەراسيا ءجۇردى. وقيعا ورنىنان ءىىم باسشىسى بەرنار كازنيەۆتىڭ بارعانى ايتىلادى. فرانسيا پرەزيدەنتى فرانسۋا وللاند شابۋىل كەزىندە اۆينوندا بولعان، ءبىراق ول دەرەۋ پاريجگە ورالۋ تۋرالى شەشىم قابىلداپتى.