وسكەمەن سوتى بەس جىل بۇرىن جاسالعان اتىشۋلى ىسكە نۇكتە قويدى. ول كەزدە كيللەرلەر «نۇر وتان» پارتياسىنىڭ وكىلى ۆالەريي پروسكۋرياكوۆتى كاسىپكەرمەن شاتاستىرىپ، ءولتىرىپ كەتكەن بولاتىن. بۇگىن ادام ولتىرۋگە تاپسىرىس بەرۋشىگە قاتىستى سوت ۇكىم كەستى، - دەپ حابارلايدى Qamshy.kz  كتك ارناسىنا سىلتەمە جاساپ.

ۆالەريي رىباكوۆ بىرنەشە جىل بويى ىزدەۋدە ءجۇرىپ، جاقىندا عانا قولعا تۇسكەن بولاتىن. 2011 جىلى ول تانىستارىنان 4 ميلليون دوللاردى قارىزعا بەرگەن ادامدى ساباۋدى سۇراعان. ءبىراق بۇزاقىلار كاسىپكەرلى پارتيا قىزمەتكەرىمەن شاتاستىرىپ، ونى اتىپ كەتىپتى. كيللەرلەر كوپ ۇزاماي قولعا ءتۇسىپ، 15 جانە 20 جىلجان ارقالاپ كەتسە، تاپسىرىس بەرگەن رىباكوۆ رەسەيدە جاسىرىنعان. سوڭعى 5 جىل بويى ۇستاتپاعان ول ەندى الداعى 16 جىل ءومىرىن تەمىر توردا وتكىزۋى ءتيىس. ءبىراق سوتتالۋشىنىڭ ءوزى ادام ءولتىرۋدى سۇراماعانىن ايتىپ وتىر. ونىڭ سوزىنشە، بۇزاقىلار كاسىپكەردى ءولىمشى ەتىپ ساباۋى كەرەك بولعان.

ۆالەريي رىباكوۆ، سوتتالۋشى:

– ماعان ەشكىم نۇسقاۋ بەرگەن جوق، ءوزىم دە ادامدى ولتىرىڭدەر دەپ ايتپادىم. بولعان وقيعانى كەزدەيسوق دەپ ايتۋعا بولادى. مەن جالداعان جىگىتتەر ساباپ كەتۋدىڭ ورنىنا ادامدى اتىپ تاستادى. وندا دا ادامداردى شاتاستىرىپ العان.