قاراعاندىدا سەرىك احمەتوۆ ءىسى بويىنشا سوتتالعان تاعى ءبىر ەكس- شەنەۋنىك مەرزىمىنەن بۇرىن بوستاندىققا شىقتى. قالانىڭ جەر قاتىناستارى ءبولىمىن باسقارعان ەرنار دارىبەكوۆ سوت بەلگىلەگەن ەكى جىل مەرزىمنىڭ اياقتالۋىنا 2 اي قالعاندا تۇرمەدەن بوساتىلىپ وتىر، - دەپ حابارلايدى Qamshy.kz كتك ارناسىنا سىلتەمە جاساپ.
دارىبەكوۆ كولونيانىڭ ءىشى مەن سىرتىنىڭ تازالىعىنا قاتتى ءمان بەرىپتى. سوندىقتان اۋلانى اباتتاندىرۋ جۇمىستارىنا بەلسەنە ارالاسقان ەكەن. ءوزىن ءوزى تاربيەلەۋ ۇيىرمەسىنە قاتىسىپ، كولونيا باسشىلىعى تاراپىنان 2 العىس حات تا العان. دارىبەكوۆ احمەتوۆ ىسىمەن سوتتالىپ مەرزىمىنەن بۇرىن بوستاندىققا شىققان ءۇشىنشى شەندى. بۇعان دەيىن قاراعاندى وبلىسىنىڭ جانە قالانىڭ ەكس اكىمدەرى باۋىرجان ابدىشيەۆ پەن مەيرام سماعۇلوۆ تا بوساعان. ال 8 جىلعا سوتتالعان سەرىك احمەتوۆتىڭ وزىنەن مەرزىمىنەن بۇرىن بوساتۋ تۋرالى ءوتىنىش ازىرگە تۇسپەپتى.
