40 جاستاعى الماتىلىق تانىسىنىڭ ەۋروپا چەمپيوناتىنا تىككەن اقشاسىنا قالايدا ۇتىس شىعارىپ بەرەتىندىگىنە ۋادە ەتكەن. تىگىلگەن سوما 30 مىڭ دوللاردى قۇرايدى، دەپ حابارلايدى Qamshy.kz BNews.kz -كە سىلتەمە جاساپ.

پوليسەيلەردىڭ مالىمەتى بويىنشا، ەر ادام تانىسىنان كوپ مولشەردە اقشا الىپ تۇرىپ، اي سايىن ءبىر مىڭ دوللار كولەمىندە سىياقى الىپ تۇراتىنىن ايتىپ سەندىرگەن. ول ءدال وسىنداي جولمەن تاعى ءبىر قالا تۇرعىنىن الداپ سوققان. ءبىراق ودان العان اقشا الدىڭعىسىنان ءۇش ەسە از.

-زارداپ شەگۋشىنىڭ ارىزىنان كەيىن ازامات كيم ۇستالىپ، ق ر قك 128-بابى بويىنشا الماتى قالاسى ءىىد ۋاقىتشا ۇستاۋ يزولياتورىنا قامالدى. ول اقشا العانىن مويىندادى، دەگەنمەن ونى قارىزعا العانىن ايتىپ باعۋدا. ءىستىڭ ءمان-جايى سوتقا دەيىن تەرگەۋ بارىسىندا انىقتالاتىن بولادى، - دەدى اۋەزوۆ اۋدانى ىشكى ىستەر باسقارماسى باسشىسىنىڭ ورىنباسارى قۇماربەك كەنشىنبايەۆ

پوليسيا وكىلدەرى كۇدىكتىنىڭ اتىنا اۋەزوۆ جانە مەدەۋ اۋداندارىنىڭ ىشكى ىستەر باسقارمالارىنا ءۇش ادامنان ارىز تۇسكەنىن ايتتى. ۇستالعان ادامنىڭ باسقا دا قىلمىستارعا قاتىسى بار-جوعارى تەكسەرىلۋدە. پوليسەيلەر، كۇدىكتىنى تانىعان، جانە ودان زارداپ شەككەندەر بولسا 298-53-01؛ 298-53-05 جانە 298-53-02 تەلەفوندارىنا حابارلاسۋدى سۇرايدى