ءسىبىر جاراسىنا بايلانىستى قاراعاندى وبلىسىندا جاريالانعان كارانتين ءبىتتى. بۇل تۋرالى بۇگىن اۋىل شارۋاشىلىعى مينيسترلىگى ۆەتەرينارلىق باقىلاۋ جانە قاداعالاۋ كوميتەتىنىڭ ءتوراعاسى ساقتاش حاسەنوۆ ءمالىم ەتتى، - دەپ حابارلايدى Qamshy.kz قازاقپاراتقا سىلتەمە جاساپ.
«قاراعاندى وبلىسىنداعى كارانتين الىنىپ تاستالدى»، - دەپ حابارلادى ول ورتالىق كوممۋنيكاسيالار قىزمەتىندەگى بريفينگىدە.
بۇعان دەيىن حابارلاعىنىمىزداي، 2016 جىلدىڭ 8 ماۋسىمى مەن 8 شىلدەسى ارالىعىندا قازاقستان بويىنشا 16 ادام تۇينەمە جۇقتىرعان. الماتى وبلىسىندا - ءۇش ادام، شىعىس قازاقستان وبلىسىندا - ەكى ادام، قاراعاندى وبلىسىندا سەگىز ادام (وكىنىشكە قاراي، ەكەۋى قايتىس بولدى)، پاۆلودار وبلىسىندا ءۇش ادام وسى اۋرۋمەن اۋىرعان. امان قالعان ون ءتورت ادامنىڭ سەگىزى ءقازىر اۋرۋحانادان شىققان، تاعى التى ادام ستاسيوناردا ەم قابىلداۋدا.
