قازاقستاندىڭ ءىلياس جۇماشيەۆ تەراكت بولعان نيسسانىڭ جاي-كۇيى تۋرالى اڭگىمەلەدى.

ونىڭ ايتۋىنشا، ءى.جۇماشيەۆ سارسەنبى كۇنى 13 شىلدەدە دوستارىمەن دەمالۋعا كەلگەن. پويىزبەن 1 كۇنگە يتالياعا بارىپ،  نيسساعا قايتىپ كەلگەن.

«تەراكت كەزىندە مەن انگليالىق جاعالاۋعا جاقىن كوشەلەردە ءجۇردىم. پوليسيانى، جەدەل جاردەم كولىكتەرىن كورىپ قوناق ۇيگە اسىقتىم. مەندە ءبارى دۇرىس، اللاعا شۇكىر. ءقازىر دە نيسسادامىن، ەرتەڭ كەشكە ءوزىم تۇرىپ جاتقان بارسەلونا قالاسىنا ۇشامىن»، - دەدى ول.

بۇگىن كەشكە نيسسا قالاسىندا امەركالىق ءانشى رياننانىڭ كونسەرتى بولۋى ءتيىس ەدى، ءبىراق جاعدايعا بايلانىستى كونسەرت بولمايدى.

«بۇگىن تاڭعى 10 شاماسىندا كوشەگە شىقپاي تۇرىپ، قالانىڭ جاندانا باستاعانىن بالكوننان تاماشالاپ ەدىم. ادامدار قىدىرىپ ءجۇر، ءدامحانالار اشىلىپ جاتىر. ءقازىر انگليالىق جاعالاۋدىڭ ءبىر بولىگى جابىق نەمەسە قاراۋىل كۇزەتىندە بولۋى مۇمكىن. ول جاققا ءقازىر بارۋدىڭ قاجەتى جوق»، - دەپ حابارلادى ءى.جۇماشيەۆ.

ەستەرىڭىزگە سالا كەتەيىك، شىلدەنىڭ 14ء-ى كۇنى نيسسا جاعالاۋىندا باستيليا قامالىن الۋ كۇنىن تويلاۋ بارىسىندا جۇك كولىگى ادامداردى باسىپ-جانشىپ، كەيىن كولىكتەن جيىلعان جۇرتقا وق اتقان. شابۋىل سالدارىنان 84 ادام قازا تاپتى، ونىڭ ىشىندە بالالار بار، تاعى 18ء-ى اۋىر جاراقات الدى، 100-دەن استامى جاراقاتتاندى. فرانسيالىق ب ا ق جۇك كولىگىنەن 31 جاستاعى نيسسا تۇرعىنىنىڭ جەكە كۋالىگىن تاپقانىن، ونىڭ فرانسيامەن قاتار تۋنيس ازاماتى بولعانىن حابارلادى. پوليسيا جۇك كولىگىنىڭ جۇرگىزۋشىسىن اتىپ تاستادى. كۇش قۇرىلىمدارى ونىڭ سىبايلاستارىنىڭ بولعانىن نە بولماعانىن انىقتاپ جاتىر.