نيسسادا دەمالىپ جۇرگەن قازاقستاندىقتى لاڭكەستىڭ جۇك كولىگى سوعىپ كەتە جازداعان، - دەپ حابارلايدى Qamshy.kz Tengrinews.kz -كە سىلتەمە جاساپ.

قازاقستاندىق گۇلنارا ساماتوۆا ءوزىنىڭ جيەنىمەن بىرگە لاىكەستىڭ جۇك كولىگىنىڭ استىندا قالىپ قويا جازداعانى تۋرالى ايتىپ بەردى.

ولاردى ولىمنەن 19 جاستاعى ۇلى اراشالاپ قالعان. "مەن بالالارىممەن نيسسادا 1 شىلدەدەن بەرى ءجۇرمىن. بىزدە بارلىعى جاقسى. ەگەر مۇنى سولاي دەپ ايتۋعا بولاتىن بولسا. جۇك كولىگى بىزدەن قول سوزىم جەردەن ءوتتى"، - دەيدى گۇلنارا.

"كەشكىسىن وتشاشۋلار كورۋگە بارعانبىز، - دەپ ەسىنە ءتۇسىردى ايەل. - اينالامىزدا ادام كوپ بولدى: وتباسىلار بالالارىمەن، قارتتار، مۇمكىندىگى شەكتەۋلى جاندار اربامەن. بارلىعىنىڭ دا كوڭىل كۇيى مەرەكەگە ساي بولعان. وتشاشۋدان كەيىن ولار ۇيىنە جاياۋ قايتپاق بولعان، سەبەبى كولىك جولدارى جابىق بولعان. ولار ۇيىنە شامامەن ءبىر-بىر جارىم ساعاتتا جەتەتىن بولعان".

"ءبىز باسىندا جول جيەگىمەن جۇردىك. سوسىن پرومەنادقا اۋىستىق. ۇلىم كەلەسى بەتكە ءوتىپ الايىق دەگەندە، مەن ازىرشە وتپەي-اق قويايىق دەدىم، سەبەبى ول جاقتىڭ اياقجولى تىم قىسقا ەدى. بەس مينۋتتاي جۇرگەن سوڭ، قاتتى جىلدامدىقپەن جانە سەكىرىپ كەلە جاتقان جۇك كولىگىن كوردىك. مەن سول كەزدە كورگەنىمدى ەش ۋاقىتتا ۇمىتپايىمىن! مەنىڭ سانامدا ول ۇلكەن سۇر جۇك كولىگى بولىپ قالادى. ءبىزدىڭ اسكەري جۇك كولىكتەرىنە ۇقسايدى، ءبىراق ۇلكەندىگى ءبىرجارىم ەسە ۇلكەن. مەنىڭ بالالارىم ونى الىس ساپارعا قاتىنايتىن جۇك كولىگىنە ۇقساتىپتى. باسىندا مەن ونىڭ تەجەگىشى ىستەن شىققان دەپ ويلادىم، الايدا سوسىن بايقاعانىمداي جۇك كولىگىنىڭ جۇرگىزۋشىسى ادەيى ادامداردى باسۋ ءۇشىن وڭعا سولعا جۇرگىزىپ كەلەدى ەكەن. سەكىرگەننىڭ سەبەبى كولىك استىندا قالعان ادامداردىڭ ۇستىنەن ءجۇرىپ وتىرعان. مەن ءبىر ورىندا تاپجىلماي تۇرىپ قالىپپىن. قۇدايعا شۇكىر، ۇلىم سول كەزدە جيەنىم ەكەۋىمىزدى كولىكتىڭ جولىنان جۇلىپ الدى. ءبىزدى تەك جەل سوقتى"، - دەپ ەسكە تۇسىرەدى ايەل.

الىدىمىزدا دا ارتىمىزدا دا زارداپ شەككەن كوپ بولدى دەيدى گۇلنار. كوبىنىڭ جانىندا تۋعان تۋىستارى بولدى. ايەلدىڭ ۇلى باسقالارىنا كومەك كورسەتۋ ءۇشىن جۇگىرىپ كەتكەن، ال گۇلناردىڭ ءوزى جيەنىن تىنىشتالدىرۋمەن بولعان. بارلىق جەردە ايقاي، سيرەنا جانە جىلىپ جاتقان داۋىستار.

"قازىرگى كەزدە قالادا قانداي جاعداي بولىپ جاتقاندىعىن ايتا المايمىن، سەبەبى ءالى ۇيدەن شىققان جوقپىز. ءۇيدىڭ ماڭى تىنىش. ءبىراق الىستاۋ جەردەن سيرەنالار داۋسى ەستىلۋدە. قازىرگى كەزدە ءبىزدىڭ جاعدايىمىز جاقسى. الايدا ءبىز قاتتى ەسەڭگىرەپ قالدىق. ازىرگە دەيىن سول كۇيدەن قايتا الماي وتىرمىن. مەنىڭ بالالارىم تاڭ اتقان كەزدە عانا ۇيىقتادى. ويانعان كەزدە اۋرۋحاناعا بارىپ قان تاپسىرامىز. مەن ۇيىقتاي الماي وتىرمىن، قاتتى قوبالجۋدامىن. حابارلاسىپ، حات الماسۋدامىن. ءقازىر عانا شەلپەك ءپىسىردىم. قولىممەن ميىمدى بىردەمەمەن اينالىسىپ، ءبارىن دە ۇمىتقىم كەلەدى"، -  دەپ جالعادى گۇلنارا.

ەندىگى كەزەكتە ايەل ادام فرانسيادا وقيتىن ۇلىن قازاقستانعا قايتۋىن كوندىرۋدى ويلاپ وتىر. ال، باستيليانى باسىپ الۋ كۇنىن ءوزىنىڭ جانە جيەنىنىڭ ەكىنشى تۋعان كۇنى دەپ ەسەپتەيدى.