اسكەري توڭكەرىلىس ارەكەتىنەن كەيىن ىستامبۇلدا 600-دەن اسا ادام ۇستالدى، - دەپ حابارلايدى Qamshy.kz Tengrinews.kz -كە سىلتەمە جاساپ.
سونىمەن قاتار، كەم دەگەندە 60 ادام قازا تاپقانى حابارلاندى.
انكارا قالاسىندا بۇلىكشىلەر تۇركيا پارلامەنتىنىڭ عيماراتىنا، Türksat عيماراتىنا، گولباشي اۋدانىنداعى پوليسيا اكادەمياسىنا اۋە سوققىسىن جاساعان. قازا بولعانداردىڭ اراسىندا اسكەريلەردىڭ دە، بەيبىت تۇرعىنداردىڭ دا بار ەكەندىگى ايتىلادى.
ەسكە سالايىق، 15 شىلدەدە تۇركيادا اسكەريلەر مەملەكەتتىك توڭكەرىلىس جاساۋعا ارەكەتتەندى. اتىستار تۋرالى ءبىرىنشى حابار استانا ۋاقىتى بويىنشا 01.00-دە جەتكەن. حالىقارالىق اگەنتتىكتەردىڭ مالىمەتىنشە، انكارادا اتىستار ەستىلگەن، قالا ۇستىندە جويعىش ۇشاقتار مەن تىكۇشاقتار ۇشىپ ءجۇر، ال ىستامبۇلداعى اۋەجايعا تانكتەر جەتكىزىلگەن. ەلدە مەملەكەتتىك تەلەارنارال حابار تاراتۋىن توقتاتتى. انكارادا Facebook جانە Twitter الەۋمەتتىك جەلىلەرى قۇلىپتالدى.
