تۇركياداعى جاعدايعا ايلانىستى قازاقستاننان ۇشاتىن بارلىق رەيس توقتاتىلدى، - دەپ حابارلايدى Qamshy.kz Tengrinews.kz -كە سىلتەمە جاساپ.

بۇل تۋرالى ق ر ينۆەستيسيا جانە دامۋ مينيسترلىگىنىڭ رەسمي وكىلى قايسار جۇماباي ۇلى حابار تاراتتى.

"تۇركياداعى جاعدايدى بىلگەنگە دەيىن ق ر يدم بۇگىن رەسپۋبليكا قالالارىنان تۇركياعا ۇشۋى ءتيى بولعان بارلىق 15 اۋە رەيسىن توقتاتتى: توعىز رەيس وتاندىق جانە التى رەيس شەتەلدىك اۋە كومپانياسىنان. ونىڭ ىشىندە قاراعاندىدان سكات اۋە كومپانياسىنىڭ 06.30-دا ۇشىپ كەتكەن رەيسى بار، ول قايتا ۇشىپ كەلە جاتىر"، - دەپ حابارلادى قايسار جۇماباي ۇلى.

قازاقستاننىڭ تۋراگەنتتىكتەرى اسسوسياسياسىنىڭ وكىلدەرى قازاقستاندىق تۋريستەردىڭ قوناقۇيدەن شىقپاۋىن ەسكەرتىپ وتىر. "انكاراداعى مەملەكەتتىك توڭكەرىس ارەكەتىنە بايلانىستى تىنىشتىق ساقتاپ، ءقوناقۇي تەرريتورياسىنان شىقپاۋدى سۇرايمىز، انتالياداعى تۋريستەردەن سۇرايمىز"، - دەپ حابارلادى قتاا پرەزيدەنتى اسەل نۇركەبايەۆا.

ەسكە سالايىق، 15 شىلدەدە تۇركيادا اسكەريلەر مەملەكەتتىك توڭكەرىلىس جاساۋعا ارەكەتتەندى. اتىستار تۋرالى ءبىرىنشى حابار استانا ۋاقىتى بويىنشا 01.00-دە جەتكەن. حالىقارالىق اگەنتتىكتەردىڭ مالىمەتىنشە، انكارادا اتىستار ەستىلگەن، قالا ۇستىندە جويعىش ۇشاقتار مەن تىكۇشاقتار ۇشىپ ءجۇر، ال ىستامبۇلداعى اۋەجايعا تانكتەر جەتكىزىلگەن. ەلدە مەملەكەتتىك تەلەارنارال حابار تاراتۋىن توقتاتتى. انكارادا Facebook جانە Twitter الەۋمەتتىك جەلىلەرى قۇلىپتالدى.