نيسساداعى تەراكتى كەزىندە قازاق بولعانداردىڭ ءبىرى بەلگياعا قونىس اۋدارعان قازاقستان ازاماتى ناتاليا وتتو ەكەنى بەلگىلى بولدى، - دەپ حابارلايدى Qamshy.kz Nur.kz - كە سىلتەمە جاساپ.

بۇل تۋرالى "موسكوۆسكيي كومسومولەس" باسىلىمى جازعان.

باسىلىمنىڭ حابارلاۋىنشا، قازا بولعانداردىڭ اراسىندا ونىڭ جۇبايى روماندا بولۋى مۇمكىن.

"ناتاليانىڭ ءمايىتى تابىلدى. الايدا ونىڭ كۇيەۋى رومان نە تىرىلەردىڭ نە قازا بولعانداردىڭ اراسىندا جوق. جۇبايلاردىڭ ارتىندا 16 جاستاعى قىزى قالدى"، - دەپ جازادى باسىلىم.

انتۆەرپەندە ناتاليا وتتو كىشكەنتاي بالالارعا ارنالعان ورىس مەكتەبىنە باسشىلىق ەتكەن.

"ناتاليا دميترييەۆنا كەرەمەت ۇستاز بولاتىن جانە شىعارماشىلىقتى جانى سۇيەتىن. ول شىركەۋ جانىندا بۇلدىرشىندەرگە ارناپ ورىس مەكتەبىن ۇيىمداستىرىپ، ۇنەمى ۋاقىتىن بالالارمەن وتكىزەتىن. ونى بارلىعى جاقسى كورەتىن. ءبىز وعان نە بولعانىن ەستىگەندە ءتىپتى ەسەڭگىرەپ قالدىق"، - دەيدى باسىلىمعا بەلگيالىق قالاشىقتاعى ورىس شىركەۋىنىڭ باسشىسى دميتريي سيزونەنكو.

سول ارادا ريا نوۆوستي-گە بەرگەن سۇحباتىندا دميتريي سيزونەنكو ناتاليانىڭ قازاقستان ازاماتى ەكەنىن ايتتى.

"ونىڭ بەلگيالىق ازماتتىعى جوق. ول - قازاقستان ازاماتى"، - دەيدى دميتريي سيزونەنكو.

سونىمەن قاتار بەلگيانىڭ سىرتقى ىستەر مينيسترلىگى بولجام بويىنشا، قازاقستان ازاماتىنىڭ نيسسادا قازا بولعانىن ايتقان.

ەستەرىڭىزگە سالا كەتەيىك، بەيسەنبى كۇنى نيسسادا كەشكىسىن فرانسيانىڭ ۇلتتىق مەرەكەسى — باستيليانى العان كۇندى اتاپ ءوتۋ كەزىندە وت شاشۋدى باقىلاپ تۇرعان ءبىر توپ ادامعا جۇك كولىگى سوعىلىپ، ادامدار اراسىمەن ءجۇز مەتردەي ءجۇرىپ وتكەن. وسىدان كەيىن كولىك تىزگىندەگەن تەرروريستەر ادامدارعا وق جاۋدىرعان. سوڭعى مالىمەت بويىنشا، قاندى وقيعادان كەم دەگەندە 80-نەن استام ادام قازا تاپتى.