استاناداعى انا مەن بالا ورتالىعىندا ۇلكەن جانجال! «يەگوۆا كۋاگەرلەرى» ۇيىمىنىڭ بەلدى مۇشەسى، جالعىزباستى انا الماتىدان بۇيرەگىنە قان جەتپەي ءحال ۇستىندە جەتكىزىلگەن قىزىنا قان قۇيدىرۋعا قارسىلىق تانىتىپ جاتىر. ءسويتىپ، ءوز دىنىنەن جەرىنگەن قازاق كەلىنشەگىنىڭ قىلىعى بالانىڭ ومىرىنە ءقاۋىپ توندىرۋدە، - دەپ حابارلايدى Qamshy.kz كتك ارناسىنا سىلتەمە جاساپ.
قىزىنا قان قۇيدىرعىسى كەلمەي ورتالىقتى باسىنا كوتەرىپ جۇرگەن انا قىزى قاننان اۋرۋ جۇقتىرىپ الادى دەپ قورقادى. ارنايى مەديسينالىق ءبىلىمى جوق بولسا دا، 4 كۇننەن بەرى دارىگەرلەردى جولاتپاي تەگەرۋىندى قارسىلىق كورسەتۋدە.
وسى كەزدە ونسىز دا ءبىر بۇيرەگى جوق 11 جاسار دايانانىڭ گەموگلوبينى تومەندەپ، ءولىم مەن ءومىردىڭ ورتاسىندا جاتىر. ايەلدى رايىنان قايتارا الماعان انا مەن بالا ورتالىعىنىڭ باسشىلىعى پوليسيا، پروكۋراتۋرا جانە بالا قۇقىعىن قورعاۋ كوميتەتىنە ارىز بەرگەن.
ءبىر قىزىعى، قولداۋ كورسەتۋ ءۇشىن «يەگوۆا كۋاگەرلەرى» ۇيىمىنىڭ مۇشەلەرى ورتالىققا كەلىپ، قان قۇيدىرماۋعا جانتالاسىپ ءجۇر.
ءقازىر شەنەۋنىكتەر بالاسىنىڭ ءومىرىن قاۋىپ-قاتەرگە تىككەن انانى سوتقا بەرىپ، انالىق قۇقىعىنان ايىرماق ويدا. الايدا دىنىنەن اداسقان ءجاميلا بولەنوۆا العان بەتىنەن قايتار ەمەس.
ء-يا، مەن «يەگوۆا» كۋاگەرىمىن. «يەگوۆا» ماعان انا رەتىندە ۇلكەن جاۋاپكەرشىلىك جۇكتەيدى. بيبليادا قان قۇيدىرۋعا قاتىستى شەكتەۋ جوق. ءبىراق قان ارقىلى اۋرۋ جۇقتىرىپ المايتىنىمىزعا ەشكىم كەپىلدىك بەرە وتىر عوي، - دەيدى ءجاميلا بولەنوۆا.
