الماتىدا وق جاۋدىرعان شابۋىلشىلاردىڭ ءبىرى ۇستالدى. ۆيدەونى كۋاگەرلەر ءتۇسىرىپ جىبەردى، - دەپ حابارلايدى Qamshy.kz قازاقپاراتقا سىلتەمە جاساپ.
بەلگىسىز بىرەۋلەر قالانىڭ بىرنەشە اۋدانىندا وق اتقان - ءقازىر الماتىدا ۇقكد عيماراتى، ابىلايحان كوشەسى تولىعىمەن جانە اباي داڭعىلى قورشاۋعا الىندى. جەدەل جاردەم اۋرۋحاناسىنىڭ كەزەكشى بولىمىندە جارالانىپ تۇسكەن ادامداردىڭ بەستەن اسقانىن، ءالى دە جارالىلاردىڭ كەلىپ جاتقانىن حابارلادى.
كۋاگەرلەردىڭ ايتۋىنشا، پوليسيا قىزمەتكەرلەرى مەن بەلگىسىز بىرەۋلەردىڭ اراسىندا قارۋلى قاقتىعىس باستالعان. الدىن الا مالىمەت بويىنشا، پوليسيا اراسىندا جارالانعاندار بار. ءىىد تۇرعىندارعا قالا اۋماعىندا تەرروريزمگە قارسى وپەراسيانىڭ جۇرگىزىلۋىن جاريالادى.
