قازاقستاندىق تەلەارنالار جابىق، - دەپ حابارلايدى Qamshy.kz. جۇرت «سالافيتتەردەن» قاۋىپتەنۋدە...
الماتىنىڭ بىرنەشە جەرىندە اتىس بولىپ جاتىر. گوگول مەن سەيفۋللين، اباي مەن بايزاقوۆ، بايتۇرسىنوۆ پەن قاراساي باتىر كوشەلەرىنىڭ قيىلىسىندا قولىنا قارۋ العان ادامدار بەيبىت تۇرعىندار مەن پوليسەيلەرگە وق جاۋدىردى دەلىنگەن ۆيدەو، فوتولار ۆاساپتا تارالۋدا. الماتى قالالىق ءىىد قالادا تەررورلىق ءقاۋىپتىڭ قىزىل دەڭگەيى ەنگىزىلگەنىن حابارلادى.
ءدال ءقازىر قازاقستاندىق تەلەارنالاردىڭ بارلىعى دەرلىك جابىق. جۇرت الاڭداۋلى. تەرروريستەر كىم؟ ولار نە ءۇشىن قارۋ الىپ كوشەدە ءجۇر؟ قانداي ماقساتتى كوزدەيدى؟ بۇل سۇراقتاردىڭ جاۋابى جوق. قاراپايىم حالىق ەلىمىزدە «تەجەۋسىز» كەتكەن «سالافيزم» مەن «ۋاحابيزم» اعىمدارىنىڭ وكىلدەرىنەن كۇدىكتەنۋدە. مۇنداي ءقاۋىپ بۇرىن دا ايتىلعان، قازىردە ايتىلۋدا. ەگەر دەر ۋاقىتىندا توقتاۋ سالىنباسا ەرتەڭگى كۇنىمىزدىڭ ءاربىر تاڭى دا قورقىنىشپەن اتارى ءسوزسىز. ويتكەنى ولار از ەمەس. كەز كەلگەن ۋاقىتتا مەملەكەتتىڭ ىرگەسىن شايقالتۋعا، تىنىشتىعىن بۇزۋعا «داپ-دايىن». بەيرەسمي دەرەككوزدەرى «ءسالافيزم» وكىلدەرى ەلىمىزدىڭ كۇشتىك قۇرلىمدارى مەن بيلىك ورىندارىندا تىزگىندەپ العانىن ايتادى.
