ەلورداداعى Rixos قوناق ۇيىندە اتىس بولىپ، ەكى ادام جاراقات الدى، - دەپ حابارلايدى Qamshy.kz Tengrinews.kz - كە سىلتەمە جاساپ.

وقيعا بۇگىن ەلوردالىق بەس جۇلدىزدى قوناق ۇيلەردىڭ بىرىندە بولدى.

17 شىلدە ساعات 08.00 شاماسىندا Rixos ءقوناقۇيىنىڭ عيماراتىندا ورنالاسقان باردىڭ ىشىندە بۇزاقىلىق ارەكەت جاساعاندارعا قاتىستى ق ر قك-نىڭ 293-بابى 3 تارماعى - "بۇزاقىلىق، ترامۆماتيكالىق قارۋدى قولدانۋ" جانە ق ر قك 287-بابى 2-بولىگى "قارۋدى، ءوق-دارiلەردi، جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ" بويىنشا ءىس قوزعالعان.

سوتقا دەيىنگى تەرگەۋ جۇمىستارىنىڭ ناتيجەسىندە جانجال بارعا كەلگەن قوناقتاردىڭ اراسىندا شىققان. قاقتىعىس سالدارىنان ەكى ادام استانا قالاسىنىڭ مەديسينالىق مەكەمەسىنە جەتكىزىلگەن.

سوتقا دەيىنگى تەرگەۋ بارىسىندا وقيعاعا قاتىسقان 25 جانە 29 جاستاعى ازاماتتار ۋاقىتشا ۇستاۋ يزولياتورىنا قامالدى. قىلمىستىق ءىس بويىنشا كەرەكتى ساراپتامالار جۇرگىزىلۋدە. سوتقا دەيىنگى تەرگەۋ جۇمىستارى جالعاسۋدا.