الماتى پوليسياسى اتىستان قازا تاپقانداردىڭ اتى-جوندەرى مەن سۋرەتتەرىن جاريا ەتتى، - دەپ حابارلايدى Qamshy.kz.

پوليسيانىڭ مالىمەتىنشە، قالاداعى اتىستاردان قازا تاپقاندار:

نۇرمۇحامەدوۆ باۋىرجان مالىك ۇلى - ءىىد ءاپب جول-پاترۋلدىك پوليسياسىنىڭ وزىندىك قاۋىپسىزدىك قىزمەتىنىڭ اعا ينسپەكتورى، 1988 جىلعى. ىشكى ىستەر ورگاندارىندا 2011 جىلدان بەرى قىزمەت ەتكەن. ۇيلەنگەن، قىزى بار.

سالىمبايەۆ ماقسات قولعانات ۇلى - پوليسيانىڭ كىشى سەرجانتى، ءىىد جپق جپپ پولكىنىڭ پوليسەيى، 1991 جىلعى، ىشكى ىستەر ورگاندارىندا 2013 جىلدان بەرى قىزمەت ەتىپ كەلەدى. ۇيلەنگەن، قىزى بار.

عالييەۆ ايان ەربولعان ۇلى - پوليسيا ستارشيناسى، الماتى قالالىق مكقب مم پوليسياسىنىڭ 2ء-شى باتالونىنىڭ پوليسەيى، 1974 جىلعى، ىشكى ىستەر ورگانىندا 1997 جىلدان بەرى قىزمەت ەتىپ كەلەدى. ۇيلەنگەن، ەكى قىزى بار.

ايتا كەتەيىك، بۇگىن الماتىداعى المالى اۋداندىق ءىىب جانە ۇقكد عيماراتتارىنا شابۋىل جاسالدى، قازىرگى ۋاقىتتا الماتىدا "جەدەل ۇستاۋ" ارنايى جوسپارى جاريالاندى. وسى ورايدا پوليسەيلەر تۇرعىندارعا ۇيلەرىنەن شىقپاۋدى وتىنگەن. قالاداعى بارلىق قارۋ-جاراق ساتاتىن دۇكەندەر جابىلعان. ءۇش پوليسيا قىزمەتكەرى جانە ءبىر بەيبىت تۇرعىن قازا تاپقان. شابۋىل جاساعانداردىڭ ەكەۋى ۇستالدى"، - دەلىنگەن الماتى ءىىد تاراتقان اقپاراتتا. جانساقتاۋ بولىمىندە 7 پوليسەي جاتىر. الماتىدا تەررورلىق ءقاۋىپتىڭ "قىزىل دەڭگەيى" جاريالانعان.