الماتىدا تەرروريستىك ءقاۋىپتىڭ قىزىل دەڭگەيى تەرروريزممەن كۇرەس جونىندەگى رەسپۋبليكالىق جەدەل شتابتىڭ جەتەكشىسىنىڭ شەشىمى بويىنشا الىپ تاستالدى، - دەپ حابارلايدى Qamshy.kz.
بۇل تۋرالى الماتى قالالىق تەرروريزممەن كۇرەس جونىندەگى شتاب وكىلدەرى حابار تاراتتى.
"قازاقستان رەسپۋبليكاسى انتيتەررور ورتالىعى الماتى قالاسى اۋماعىندا شەكتى ("قىزىل") تەرروريستىك قاۋىپتىلىك دەڭگەيىنىڭ ەنگىزىلگەندىگى جونىندە حاباردار ەتەدى. بەلگىسىز بىرەۋلەردىڭ المالى اۋداندىق ءىىب جانە ۇقك دەپارتامەنتى عيماراتتارىنا شابۋىل جاساۋى نەگىز بولدى. شەشىمدى ۇلتتىق قاۋىپسىزدىك كوميتەتىنىڭ ءتوراعاسى قازاقستان رەسپۋبليكاسى پرەزيدەنتىنىڭ 2013 جىلعى 9 تامىزداعى № 611 "تەرروريزم اكتىسى قاتەرىنىڭ تۋىنداۋى تۋرالى اقپارات مونيتورينگىنىڭ جانە حالىقتى حاباردار ەتۋدىڭ مەملەكەتتىك جۇيەسىنىڭ ۇيىمداستىرىلۋى مەن جۇمىس ىستەۋى قاعيدالارىن بەكىتۋ تۋرالى" جارلىعى تالاپتارىنا سايكەس قابىلدادى"، - دەلىنگەن حابارلامادا.
ايتا كەتەيىك، الماتىدا اتىس جاساپ، تەرروريستىك ارەكەتكە بارعان ەكى ەر ادام دا ۇستالدى.
