تۇركياداعى توڭكەرىسكە رەسەيدىڭ سۋ-24 ۇشاعىن اتىپ تۇسىرگەن پيلوت قاتىسقان، - دەپ حابارلايدى Qamshy.kz ريا نوۆوستي -عا سىلتەمە جاساپ.
انكارا مەرى مەليح گەكچەكتىڭ مالىمدەۋىنشە پيلوت اقش-تا تۇراتىن فەتحۋللاح گيۋلەن ۇيىمىنىڭ مۇشەسى ەكەن. انكارا مەرى CNN Turk تەلەكانالىنا بەرگەن سۇحباتىندا «پاراللەل مەملەكەت» اتالاتىن ۇيىمدى ايىپتادى. ونىڭ ويىنشا، وسى ۇيىم رەسەيمەن قاتىناستى بۇزۋعا سەبەپ بولعان. گرەسييانىڭ ERT تەلەكانالىنىڭ حابارالۋىنشا، بۇل ەلگە تۇركيادان اسكەري تىكۇشاقتار كەلىپ قونعان. تىكۇشاقتان شىققان اسكەريلەر ساياسي باسپانا سۇراعان. بۇل ءىس گرەسيا سىم-نە بەرىلگەن. تۇركيا پرەمەر-مينيسترى بينالي يىلدىرىم ب ا ق ارقىلى جاساعان مالىمدەمەسىندە كوتەرىلىسكە قاتىستى 2،8 مىڭ ادامنىڭ تۇتقىندالعانىن حابارلادى.
