ترامپ كليتوندى "جەمقور" دەپ ايىپتادى، - دەپ حابارلايدى Qamshy.kz. بۇل تۋرالى «iRector» اقپارات تاراتقان.

اقش-تا رەسپۋبليكالىق پارتيا اتىنان سايلاۋعا تۇسكەلى وتىرعان د.ترامپ نيۋ-يوركتە سويلەگەن سوزىندە ح. كلينتوندى «الەمدىك دەڭگەيدەگى وتىرىكشى» دەپ ايىپتاپ، ونىڭ جەمقورلىققا قاتىسى تۋرالى ايتقان. ترامپتىڭ ويىنشا، ح.كلينتون مەملەكەتىك حاتشى بولىپ تۇرعان كەزىندە ءىرى كورپوراسيالارعا قولداۋ كورسەتكەن جانە بۇگىندە سول كورپوراسيالار سايلاۋ الدى ناۋقاندا ونى قارجىلاندىرىپ جاتىر. ح.كلينتون مەملەكەتتىك دەپارتامەنتتە قىزمەت ىستەگەن كەزىندە جەكە باسىنىڭ بايۋىن كۇيتتەگەن. ترامپتىڭ پىكىرىنشە، ح.كلينتون بيۋدجەت قاراجاتىنان ميلليونداعان دوللاردى قالاۋىنشا جۇمساپ، ءىرى كولەمدە پارا العان. «ول مەملەكەتتىك دەپارتامەنتتى جەكە قورى سياقتى باسقاردى» دەگەن ترامپ، «حيللاري كلينتون بۇرىن-سوڭدى اقش پرەزيدەنتتىگىنەن ۇمىتكەر بولعانداردىڭ اراسىنداعى ەڭ جەمقور جان» دەگەن باعا بەرگەن.