الماتىداعى اتىستان قايتىس بولعان پوليسەيلەرمەن قوشتاسۋ ءراسىمى بالۋان شولاق سپورت كەشەنىندە وتەدى، - دەپ حابارلايدى Qamshy.kz.
بۇل تۋرالى الماتى قالاسىنىڭ اكىمى باۋىرجان بايبەك ق ر ۇكىمەت وتىرىسىندا ايتتى.
-قازا تاپقاندار الماتى وبلىسىنىڭ تۋمالارى. سوندىقتان ءۇش پوليسەيدىڭ تۋعان-تۋىستارى ءمايىتتى الىپ كەتتى. مەنىڭ ورىنباسارىم سوندا اتتاندى. وبلىس اكىمى پوليسيا قىزمەتكەرلەرىن اقتىق ساپارعا شىعارىپ سالۋ بويىنشا تاپسىرما بەردى. ەرتەڭ، 20 شىلدە تاڭەرتەڭ ساعات 10:00-دە بالۋان شولاق سپورت كەشەنىندە رەسمي قوشتاسۋ ءراسىمى بولادى، - دەدى باۋىرجان بايبەك.
سونداي-اق، بۇگىن الماتىلىقتار ازا تۇتىپ، اتىس بولعان جەرلەردە قازا بولعاندارعا گۇل شوقتارىن قويدى.
ايتا كەتەيىك، كەشە 19 شىلدە تەراكت ارەكەتىنەن ءۇش پوليسەي مەن ءبىر بەيبىت تۇرعىن قازا تاپسا، بۇگىن تاعى ءبىر پوليسەي قىزمەتكەرى اۋرۋحانادا قايتىس بولدى.
