اقتوبەلىك پوليسەيلەر قالاداعى تەراكتىگە قاتىسى بار ءۇش كۇدىكتىنى قاماۋعا الدى. ولار 5 ماۋسىم كۇنى دميتريي تاڭاتاروۆ باستاعان راديكالدارمەن بىرگە دايش (ق ر اۋماعىندا قىزمەتىنە زاڭمەن تىيىم سالىنعان ۇيىم – رەد.) كوسەمدەرىنىڭ ءبىرى جولداعان اۋديوۇندەۋ تىڭداعان كورىنەدى، - دەپ حابارلايدى Qamshy.kz.

كۇدىكتى ۇشەۋ وتكەن اپتادا ۇستالعانىمەن، ول تۋرالى اقپارات كەشە تاراعان. ولار قارۋ دۇكەنىن توناۋ مەن اسكەري بولىمگە شابۋىل جاساۋعا قاتىسپاعانى ايتىلۋدا. ۇشەۋى دە ەندى ازىرلەنىپ جاتقان تەراكت تۋرالى ءتيىستى ورگاندارعا حابار بەرمەگەنى ءۇشىن جاۋاپقا تارتىلاتىن بولادى.

ەستەرىڭىزگە سالساق، اقتوبە قالاسىندا 5 ماۋسىم كۇنى ءبىر توپ راديكال قارۋ-جاراق دۇكەندەرىن توناپ، سونداعى ۇلتتىق ۇلاننىڭ اسكەري بولىمىنە شابۋىل جاساعان ەدى. لاڭكەستەردىڭ قولىنان 7 ادام قازا تاپتى. ارنايى وپەراسيا كەزىندە 18 كۇدىكتىنىڭ كوزى جويىلعان بولاتىن.

اقتوبەدەگى وقيعانى ەلباسى ن. نازاربايەۆ سالافيزم اعىمىنا ەرگەن راديكالداردىڭ جاساعان تەرروريستىك ارەكەتى دەپ باعالادى.