الماتى قالاسىن گوگول-زەنكوۆ-ماقاتايەۆ-ابدۋلليندەر كوشەلەرىنىڭ اراسىندا ىشكى ىستەر ورگاندارى جەدەل ىزدەستىرۋ شاراسىن وتكىزۋدە، - دەپ حابارلايدى Qamshy.kz الماتى قالاسى ءىىد باسپا ءسوز قىزمەتىنە سىلتەمە جاساپ.

باسپا ءسوز قىزمەتى اتالعان ءىس-شارانىڭ 18 شىلدەدە الماتى قالاسىندا بولعان تەراكتىگە قاتىسى جوقتىعىن حابارلادى.

سونداي-اق، باسپا ءسوز حابارلاماسىندا «بارلىق ازاماتتاردىڭ سابىرلىق ساقتاۋىن سۇرايمىز. تەك رەسمي اقپاراتتاردى عانا باسشىلىققا الۋدى جانە تەكسەرىلمەگەن مالىمەتتەردى تاراتپاۋدى سۇرايمىز. جالعان اقپارات تاراتۋ ق ر قىلمىستىق كودەكسىنىڭ 274-بابى بويىنشا قىلمىستىق جاۋاپكەرشىلىك جۇكتەيتىنىن ەستەرىڭىزگە سالامىز»، - دەلىنگەن.

ەستەرىڭىزگە سالساق، 18 شىلدە كۇنى الماتى قالاسىندا ر. كۇلىكبايەۆ دەگەن ازامات اۋداندىق پوليسيا باسقارماسى مەن ۇقك دەپارتامەنتىنە شابۋىل جاساپ، 6 ادامدى ءولتىردى. ونىڭ تورتەۋى – پوليسيا قىزمەتكەرى، بىرەۋى زەينەتكەر، ەندى ءبىرى – شەكارا قىزمەتىنىڭ وفيسەرى. سونداي-اق، ونىڭ سول وقيعادان بۇرىن «الماتىدا جەڭىل ءجۇرىستى وزبەكستان رەسپۋبليكاسىنىڭ ازاماتشاسىن ولتىرگەنى» حابارلاندى.

پوليسەيلەر مەن بەيبىت ازاماتتارعا وق اتقان كۇدىكتى قاماۋعا الىنعان بولاتىن.