بۇگىن تاڭەرتەڭ باستالعان جەدەل ىزدەستىرۋ شاراسىنا وراي الماتىداعى «كوك بازار» جابىلعان، - دەپ حابارلايدى Qamshy.kz.
ماقاتايەۆ پەن گوگول كوشەلەرىنىڭ پەريمەترىن پوليسيا مەن ساربازدار قورشاپ تۇر. وسى كۆادراتتا ورنالاسقان «راحات» كونديتەرلىك فابريكاسىنىڭ اكىمشىلىگى كاسىپورىننىڭ قالىپتى جاعدايدا جۇمىس ىستەپ تۇرعانىن ايتتى.
قورشاۋدا قالعان «كوك بازار» جارتى ساعاتتاي ۋاقىت بۇرىن جابىلعان. بازارعا كىرىپ ۇلگەرگەن ادامدار ازىرگە ساۋدا ورتالىعىنىڭ ىشىندە قالعان. ارنايى شارا ءوتىپ جاتقان اۋماققا جەدەل مەديسينالىق جاردەم، قۇتقارۋ، گاز قىزمەتتەرىنىڭ ماماندارى تارتىلعان.
بۇعان دەيىن گوگول مەن ماقاتايەۆ، زەنكوۆ پەن ابدۋلليندەر كوشەلەرىنىڭ اراسىندا پوليسيا جەدەل ىزدەستىرۋ شاراسىن وتكىزىپ جاتقانىن حابارلاعان بولاتىنبىز.
