تۇركيانىڭ تاريحي ءىرى شاھارىنىڭ تۇرعىندارى ۇيالى تەلەفوندارىنا ءالى كۇنگە دەيىن الاڭعا شىعۋعا شاقىرۋ حابارلاماسى ءتۇسىپ جاتقانىن ايتۋدا.  بۇل تۋرالى سەگودنيا.ua-عا سىلتەمە جاساپ Qamshy.kz جازادى.

15-16 شىلدەدە بولعان وقيعادان بەرى ستامبۇل مەن انكارا كوشەلەرى پوليسيا كۇزەتىنىڭ باقىلاۋىندا.  اقپاراتتىق پورتال جۋرناليسىنە سۇحبات بەرگەن ىستامبۇل تۇرعىندارى بۇگىندە  بۇل وڭىردە كىمنىڭ نەمەن اينالىسىپ جاتقانى بەلگىسىز، ازاماتتىق سوعىس باستالا ما دەگەن ۇرەي بارىن ايتقان. «ءبىز ءۇشىن وتە قيىن كەزەڭ باستالدى، ازاماتتارعا ءقاۋىپ تونۋدە» دەيدى ەردجان ييلماز ەسىمدى ىستامبۇل تۇرعىنى. ول ءوز باسى ەردوعاندى قولدامايتىنىن ءبىراق دەموكراتيا مەن بوستاندىقتى جاقتايتىنىن جەتكىزگەن.

ەستەرىڭىزگە سالا كەتەيىك، 15 شىلدە كۇنى تۇندە تۇركيادا مەملەكەتتىك توڭكەرىس جاساۋشىلاردى ۇكىمەت باسىپ تاستاعان بولاتىن. ءبىراق ەل ءىشى ءالى دە تىنىش ەمەس كورىنەدى. تۇرىك بيلىگى توڭكەرىستى ۇيىمداستىرۋعا وپپوزيسيونەر ۋاعىزشى فەتحۋللاح گيۋلەننىڭ قاتىسى بار دەپ سانايدى. تۇركيانىڭ ادىلەت مينيسترلىگى بۇگىندە اقش-تا تۇرىپ جاتقان ەردوعاننىڭ قارسىلاسىن ەكستراديسيالاۋ تۋرالى سۇراۋ جىبەردى.