تۇركىمەنستان قازاقستانمەن شەكاراسىن ۋاقىتشا جاپتى، - دەپ حابارلايدى Qamshy.kz ازاتتىققا سىلتەمە جاساپ.
تۇركىمەنستان قاۋىپسىزدىك شارالارىن كۇشەيتۋگە بايلانىستى قازاقستانمەن شەكاراسىن بەس كۇنگە جاپتى دەپ حابارلايدى ماڭعىستاۋ وبلىستىق مەملەكەتتىك كىرىس دەپارتامەنتىنە سىلتەمە جاساعان جەرگىلىكتى اگەنتتىكتەر.
وسىعان بايلانىستى ەلگە شەتەل ازاماتتارىنىڭ جەڭىلدەتىلگەن تارتىپپەن كىرۋىنە شەكتەۋ قويىلعان. قازاقستان مەن تۇركىمەنستان اراسىنداعى كەلىسىم بويىنشا، ماڭعىستاۋ وبلىسىندا تۇراقتى تۇراتىن ازاماتتار تۇركىمەنستاننىڭ بالكان ءۋالاياتى اۋماعىنا بەس كۇنگە دەيىن ۆيزاسىز كىرىپ، ءجۇرىپ-تۇرا الادى. بەس كۇننەن اسسا ۆيزا تالاپ ەتىلەدى.
