اقتوبەدەگى «اڭسار» اقپاراتتىق تالداۋ ورتالىعى تالاق الىپ، تاعدىرىمەن تالاسقا تۇسكەن ايەلدەردىڭ قورلىققا تولى ءومىرىن باياندادى، - دەپ حابارلايدى Qamshy.kz.
Cوڭعى ۋاقىتتا قىزدار اراسىندا "ءدىن جولىنا تۇسەم دەپ، تۇنىعىمدى بىلعادىم" دەپ ايتاتىندار كوبەيىپ بارادى. جىگىتتەر وزدەرىنە ۇناعان ءدىندار قىزدارمەن عالامتور نەمەسە تەلەفون ارقىلى تانىسىپ، نەكەلەسە سالادى دەيدى اتالمىش ورتالىقتىڭ قىزمەتكەرلەرى.
بىر-ەكى اپتادان كەيىن تالاق دەپ ءۇش رەت ايتىپ اجىراسىپ كەتەدى. يسلام ءدىنىن بۇركەنگەندەردىڭ ءدىنسىز تىرلىكتەرى شاش ەتەكتەن. ايتالىق، كەيبىر اعىمدار بويىنشا قىزدار قولدان قولعا ءوتىپ جۇرە بەرەدى. بۇگىن نەكەن قيىلادى، ەرتەسىنە نەمەسە ەكى-ۇشىن كۇننەن كەيىن تالاق ايتىلىپ، باسقاعا بۇيىرادى. مەشىتكە بارماي، جاي ءۇي ىشىندە وتىرىپ الىپ كوشەدەن نەمەسە ءوز جاقتاستارىنان ەكى ەر ادامدى ەرتىپ اكەلىپ، نەكە قيدىرۋدى ادەتكە اينالدىرعان. ال اتا-اناسى مەن تۋىس-تۋعاندارى ناماز وقىماعاندىقتان نەكەگە رۇقسات بەرۋگە قۇقىقتارى جوق دەي سالادى. ولار ءوزارا ۇكىم شىعارىپ، وزدەرىنەن ءبىر ادامدى باسشى سايلاپ، نەكەلەرىن قيا بەرەدى. وسىلايشا شاريعات جولىمەن نەكەلەسكەندەي بولىپ، ءوز ناپسىلەرى مەن قۇمارلىقتارىن قاندىرىپ، اجىراستىق دەپ تاستاپ كەتەدى.
"تاستاندى قىز نەكەسىن قيىپ بەرگەن باسشىعا بارادى. ول بولسا قىزدى تاعى بىرەۋمەن نەكەلەستىرەدى. ءسويتىپ الگى بەيباق قىز 3-4 جىگىتتى باستان وتكەرەدى. قىزداردى قوجالىق ەتكەن قۇدتى ءبىر جەزوكشە رەتىندە قارايدى. بەرەكەتسىز جىنىستىق قاتىناستىڭ ناتيجەسىندە قاي ەركەكتەن جۇكتى بولعاندارىن دا بىلمەي قالىپ جاتادى" دەيدى تەولوگ ماماندار.
-ارينە، وكىنىشكە وراي دەپ ايتۋعا بولادى، ءقازىر ەندى تالاق ماسەلەسىنە بايلانىستى. ۇيلەنەتىن كەزدە ولەردەگى ءسوزىن ايتىپ، جاقسى كورەم، ولەم، كۇيەم سوزدەرىن ايتىپ كەلەدى دا، ال تالاق بەرەتىن كەزدە ۇيالى تەلەفونمەن تالاقتى بەرە سالادى.بۇل دا ءقازىر مۇفتيلەر اراسىندا ماسەلە بولىپ جاتىر. ۇيالى تەلەفون ارقىلى، ۋاتساپ، ينتەرنەت جەلى ارقىلى تالاق بەرۋگە بولا ما، بولماي ما؟ الەۋمەتتىك جەلىلەر ارقىلى تالاق بەرىلەتىن بولسا، وندا الەۋمەتتىك دەلى ارقىلى ۇيلەنۋگە دە بولۋ كەرەك. تالاق پەن ۇيلەنۋ ماسەلەسىن ءبولىپ قاراۋعا بولمايدى، - دەيدى اقتوبە وبلىسىنىڭ ءدىن ىستەرى باسقارما باسشىسى باۋىرجان ەسماحان.
بەتتىڭ ارىن بەلبەۋگە ءتۇيىپ العان وزدەرىن ۇستاز دەپ اتايتىن ايەلدەردىڭ جاس قىزدارعا ايتاتىن اقىلى: «بۇل ءومىردىڭ ءمانى وقۋدا، جاقسى جۇمىس ىستەۋدە ەمەس، ءدىندار جىگىتپەن تۇرمىس قۇرۋعا تالپىنىڭدار. اراب، كاۆكاز جىگىتتەرىنىڭ يمانى مىقتى. سولارعا جار بولىڭدار، دىنسىزدەرگە ايەل بولعانشا، ءدىن ءۇشىن سيريادا سوعىسىپ جۇرگەندەرگە جىنىستىق قىزمەت كورسەتىپ، ولارعا رۋحاني كۇش بەرىڭدەر. بۇل ايەل ادامنىڭ جيھادى. ەرتەڭ اقىرەتتە ءشاھيدتىڭ دارەجەسىندە ءجانناتتا بولاسىڭدار» دەي كەلە سانالارىنا قيسىنسىز ەرەجەلەردى قۇيادى. بىر-ەكى رەت كەزدەستىرىپ، ەڭ كوبى ءۇش رەت جولىقتىرىپ، قالامايتىن جىگىتپەن نەكەسىن قيدىرتىپ جىبەرەدى. وسىلاي تانىمەن جيھاد جاسايتىن ارۋلار قايدا بولسا دا كەتۋگە دايىن تۇرادى.
"مەن ويلايتىنمىن ول جاققا كەتسە، شىن جيحاد ەكەن دەپ. جاسىراتىنى جوق، بەس جىل بولسا دا، دىننەن ءبىلىم الماعاننىڭ كەسىرىنەن عوي ءبارى" دەيدى ورتالىققا كەلىپ جۇركەن كەلىنشەك.
وتانىمىزدا سيرياداعى سودىرلاردىڭ قولشوقپارى بولىپ جۇرگەن ءدىندار-سىماق جىگىتتەر قۇران اياتتارىن ءوز ناپسىلەرىنە بۇرىپ، قازاق قىزدارىنىڭ كوز جاسىن بەلدەن كەۋدە. شاريعات بويىشا قىز بالا 9 جاستا باليعاتقا تولادى. ول قىزعا ۇيلەنۋگە جانە جىنىستىق قاتىناستا بولا بەرۋگە بولدى دەيتىن سوراقى ءپاتۋانى ءوز ارالارىندا شىعارىپ العان. ءوزارا تاراتقان وتىرىككە وزدەرى سەنىپ، 13 جاستان اسقان قىزداردى ەل اسىرىپ، جىنىستىق جيھادقا اتتاندىرۋدا.
ء-قازىر مىناۋ ايەل ادامداردىڭ كەتۋى وتە وزەكتى ورتەيدى. وعان سەبەپ، جىنىستىق جيھاد دەپ ات قويىپ، ايدار تاققان. جىنىستىق جيھاد جاساۋعا بۇكىل الەمنەن سيرياعا كەلۋگە شاقىرامىز. ەر-ازاماتتارعا كومەكتەسۋ كەرەك دەگەن سەكىلدى جالاڭ يدەيانى تاراتۋ ارقىلى، ساناسى ۋلانعان جاستار، قىز-بالالار كەتىپ قالىپ جاتىر. ونىڭ ىشىندە بىزدەن كەتكەن قاراكوز قازاق قىزدارىنىڭ كەتكەنى وزەكتى ورتەيدى. سونداي جاعداي بولدى. دەمەك ءبىز مۇنىڭ الدىن الۋىمىز كەرەك. الدىن الۋ ءۇشىن قانداي بولادى؟ ەڭ باستى مىندەت: اتا-انا تاربيەسى، قاداعالاۋ وتە ماڭىزدى. ويتكەنى ءبىز بىلتىرعى جىلى كوردىك، الماتى قالاسىندا 13 جاستاعى قىز بالانىڭ الەۋمەتتىك جەلىلەر ارقىلى بايلانىس قۇرىپ، سول جاققا كەتۋگە تىرىسىپ، ناتيجەسىندە قازاقستاننان تۇركيا، تۇركيادان سيرياعا شىعۋ بيلەت جولدارى اقپارات قاراپ وتىرعان كەزىندە اتا-اناسى بايقاپ، الدى الۋ شارالارى جۇرگىزىلدى. ودان شىققان نارسەنى قاراڭىز، ءتىپتى 13 جاستاعى قىزدىڭ وزىنە سىرت كوز كوز تىگىپ وتىر دەگەن ناتيجە شىعادى، - دەيدى «اڭسار» اقپاراتتىق تالداۋ ورتالىعى كمم باسشىسى جانداۋلەت سۇلەيمەنوۆ.
شەكارا اسقان قىزدار سيريا، يراك سەكىلدى سودىرلاردىڭ اراسىندا ءتىرى تاۋارعا اينالادى. قولدان-قولعا ءوتىپ، ءبىر كۇندە 6-7 ەركەككە قىزمەت كورسەتەدى. ول ازداي، ولاردىڭ ورتاسىنا شىعىپ، ءتانىن كورسەتىپ، بيلەتەدى. ەگەر ۇناساڭ، ساتۋشىعا اقشا بەرىپ، مال بازاردا جانۋار تاڭداعانداي جەتەكتەپ الىپ كەتە بارادى. اناڭنان تۋعالى بىلمەگەن قورلىقتى كورەسىڭ، اكەڭنىڭ اينالايىن دەگەنىن، بوتام دەپ ەركەلەتكەنىن ساعىناتىن بولاسىڭ. بۇل ماسقارا شىندىق دەيدى ورتالىق ماماندارى.
-باسىندا يسلامعا كەلگەندە باقىتىمدى تاپسام دەپ ەدىم، كەيىن ءبارى باسقاشا كورىندى. كۇيەۋگە شىقتىم، الايدا ءبارى وزگەردى. كۇيەۋىم تالاق ەتتى. سودان سوڭ ءۇش ەركەكپەن نەكەلەستىم. ال سوڭعى كۇيەۋىم جيھادقا بارۋىمدى ءوتىندى. مەن ءتىپتى جيىركەنىپ كەتتىم. ءبارى كەش بولاتىن. مەن قاتەلەسكەنىمدى ەندى ءتۇسىندىم. ەندى وتكەندى قايتالاعىم كەلمەيدى. ءوزىمىزدىڭ ۇستازدار سانالاتىنداردىڭ ايتۋىمەن سيرياعا كەتۋگە كەلىسىم بەردىم. ءوزىمىزدى تۋرا جولدا ءجۇرمىز دەپ ويلادىم. بارىنە دە دايىن بولدىم. ءبىراق ءبارى وكىنىشتى. مەن قاتەلىگىمدى كەش ءتۇسىندىم. وتكەندى ەسىمە العىم كەلمەيدى. كەۋدەمە تولى وكسىك كەلەدى. ءقازىر ەسىمە تۇسسە، جيىركەنىشتى. الايدا كەرى قايتۋعا جول جوق. ولار قورقىتادى، قوقان-لوققى جاسايدى. ۇرادى. سوعادى، - دەيدى اداسقان كەلىنشەك.
ال شىندىقتى ەشتەڭەمەن بۇركەمەدەپ جابا المايسىڭ. بايعۇس قىزدار وزدەرىنىڭ جەتەكشىلەرىنىڭ سوزدەرىنە شىعا المايدى. ءدىني ساۋاتسىزدىق جانە دۇرىس پەن بۇرىسى ارالاسقان بۇل جاعدايدا بۇل اعىمدار نيەتتەرى تازا مۇسىلماندارىڭ اداسۋىنا، تەرىس جولعا تۇسۋىنە سەبەپكەر بولۋدا. ادالدىق، يدەال بولۋدان كەتكەن ورتادا پاكتىك، قىز بالانىڭ ار-ۇياتى، بولاشاق انانىڭ تازالىعى دەگەن ۇعىمدار اقشاعا عانا باعالانىپ، ەل اسىپ، ساتىلاتىن ءتىرى تاۋارعا اينالعان زامان بولدى.
