الماتى قالاسى قىلمىستىق-اتقارۋ جۇيەسى دەپارتامەنتى ەلدەن كەتكەن بەلسەندى ەرمەك نارىمبايەۆقا ىزدەۋ جاريالادى، - دەپ حابارلايدى Qamshy.kz Informburo.kz - كە سىلتەمە جاساپ.
اتالمىش دەپارتامەنت نارىمبايەۆتى ىزدەۋ جۇمىسىن "باستاپقى ىزدەۋ ءىس شارالارى" بويىنشا ارەكەت ەتۋدە.
-سوت جۇكتەگەن جاۋاپكەرلىشىكتى نارىمبايەۆ دۇرىس قابىلداعان جوق. وعان جازانىڭ نەگىزگى مەرزىمى تولىق وتەلمەيىنشە نەمەسە باقىلاۋ ۋاقىتى تولىق اقتالمايىنشا قازاقستاننان شىعۋعا تىيىم سالىناتىندىعى تۋرالى تاعى دا جازباشا ەسكەرتىلدى، - دەيدى الماتى قالاسى قىلمىستىق-اتقارۋ جۇيەسى دەپارتامەنتىنىڭ رەسمي وكىلى ماناس تۇياقبايەۆ.
ونىڭ كەتكەنى راستالاتىن بولسا ءتيىستى جازاسىن الادى دەيدى اتالمىش دەپارتامەنت. الايدا ەرمەك نارىمبايەۆ 14 شىلدە كۇنى ۋكراينادا باسپا ءسوز ماسليحاتىن وتكىزىپ، 10 شىلدە قازاقستانمەن ىرگەلەس ەلدەردىڭ ءبىرىنىڭ شەكاراسىنان زاڭسىز ءوتۋ ارقىلى ۋكرايناعا جەتكەنى، سوندا جۇرگەن وپپوزيسيونەر ايدوس سادىقوۆپەن تابىسقانى، ول ەلگە جەر رەفورماسىنا قارسى ميتينگىلەر قارساڭىندا اكىمشىلىك قاماۋعا الىنعان بەلسەندى ءمولدىر ءادىلوۆانىڭ دا بارعانى سول جيىندا ايتىلعان ەدى.
