مەملەكەتتىك قىزمەت مينيسترلىگى شەنەۋنىكتەردىڭ كيىم-كيىسى مەن ءجۇرىس تۇرىسىنا شىنداپ كىرىسكەن سياقتى. سەبەبى قىمبات كوستيۋم مەن قولىنا شۆەيساريا ساعاتىن تاعا المايتىن شەندىلەر ەندى قاراپايىم حالىققا "ءسىز" دەپ سويلەۋدىڭ ورنىنا بايقاماي «سەن» دەسە دە، سوتتالىپ كەتۋى مۇمكىن، - دەپ حابارلايدى Qamshy.kz 31 ارناعا سىلتەمە جاساپ.
ال ماس كۇيىندە كولىك ايداۋدان مەملەكەتتىك قىزمەتكەرلەر كوش باستاپ تۇرعان كورىنەدى. سونداي-اق پارا الۋعا ەڭ بەيىم اكىمدىكتەگىلەر بولىپ شىقتى. كەيىن ىشكى ىستەر ورگاندارى، اۋىلشارۋاشىلىعى مەن دەنساۋلىق ساقتاۋ سالاسىنداعىلار بارماق باستى، كوز قىستىعا ءجيى سالادى ەكەن.
- ماس كۇيىنە كولىك جۇرگىزەتىن شەنەۋنىكتەردى ءجيى جازاعا تارتىپ جاتىرمىز. تۇرعىندارعا دورەكىلىك كورسەتىپ، ءوزىن جوعارى قويعان شەندىلەر مەن جۇمىس ۋاقىتىندا ورنىندا وتىرمايتىن 114 قىزمەتكەرگە دە ەسكەرتپە جاريالادىق، - دەيدى ق ر مەملەكەتتىك قىزمەت ىستەرى ۆيسە-مينيسترى ايگۇل شايموۆا.
