«ەندى «ودنوكلاسسنيكي» الەۋمەتتىك جەلىسى ارقىلى رەسەيدەن قازاقستانعا اقشا اۋدارۋعا بولادى» دەگەن اقپارات تاراۋدا. بۇل بىزگە قانشالىقتى قاجەت ەدى؟
الەۋمەتتىك جەلىگە ەنگەن بۇل جاڭالىق ءبىزدىڭ ەلىمىزدەن باسقا ءازىربايجان، ارمەنيا، بەلارۋسيا، گەرمانيا، گرۋزيا، يتاليا، يزرايل، بالتىق جاعالاۋى ەلدەرى، فرانسيا، وزبەكستان، رۋمىنيا، مولدوۆاعا دا قاتىستى. اۋدارىلعان اقشانى كەيىن MasterCard ي Maestro كارتالارى ارقىلى شەشىپ الۋعا بولادى ەكەن.
جالپى، اقشا اۋدارۋ جۇيەسى ءبىرقاتار الەۋمەتتىك جەلىلەر ارقىلى جۇزەگە اسادى. ول – اناۋ ايتقانداي جاڭالىق تا ەمەس. تەك، ەلىمىزدە رەسەيلىك ۇلەسى بار نەمەسە سول ەلمەن قارجىلىق وپەراسيالاردىڭ ءتۇرلى باعدارلامالارىن جۇزەگە اسىراتىن بانكتەر بولا تۇرا، مۇنداي جۇيەنىڭ قولدانىسقا ەنۋى كۇمان تۋعىزادى.
ونىڭ ۇستىنە ەلىمىزدە رەسەيشىل سەپاراتيستىك پيعىلداعى توپتار مەن جەكەلەگەن تۇلعالاردىڭ بار ەكەنى ەشكىمگە جاسىرىن ەمەس. ولاردىڭ ءبىرقاتارى سوت ۇكىمىمەن قىلمىستىق جاۋاپكەرشىلىككە دە تارتىلۋدا. الەۋمەتتىك جەلىنىڭ بۇل الەۋەتى سونداي كۇشتەردى استىرتىن قارجىلاندىرۋدىڭ ءبىر قۇرالىنا اينالىپ كەتپەي مە؟
