جۇمىسسىزداردى كەڭەستىك زامانداعىداي قايتا جازالاۋ كەرەك دەگەن پىكىردى وسكەمەن قالالىق ءماسليحاتتىڭ كەزەكتى وتىرىسىندا ۇسىنىلدى.

- كۇن سايىن جۇمىسسىزدىقپەن كۇرەس بارىسىندا، كەڭەستىك كەزەڭدەگى جۇمىسسىز جۇرگەن ءۇشىن ادامدار بەرىلگەن جازانى قايتا جانداندىرۋ كەرەك پە دەگەن ويعا ورالادى، - دەدى وسكەمەن قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى ماۋليحات جاقسىلىقوۆنا.

قالالىق ءماسليحاتتىڭ دەپۋتاتى، زاڭ عىلىمدارىنىڭ دوكتورى قۋات راحيمبەرديننىڭ پىكىرىنشە، ادامدى جۇمىس ىستەۋگە كۇشتەۋ ادامنىڭ كونستيتۋسيالىق جانە حالىقارالىق قۇقىقتارىن بۇزادى. دەگەنمەن تۇرمەدەن جاڭا بوساپ شىققان ادامدار تەمىر توردىڭ ار جاعىنا قايتا قىلمىس جاساپ ورالادى.

- قىلمىستاردىڭ 70%-ىن قىلمىسكەر تۇرمەدەن بوساپ شىققان كۇنى جاسايدى. ويتكەنى ولاردىڭ نەگىزگى پروبلەمالارى قوعامدا جانە ەڭبەك نارىعىندا الەۋمەتتىك تۇرعىدا يكەمدەلىپ، بەيىمدەلۋ قيىندىق تۋعىزادى، - دەدى قۋات راحيمبەردين.

بۇگىنگى تاڭدا قالامىزدا قىلمىستىق-اتقارۋ جۇيەسىندەگى دەپارتامەنتتىڭ التاۋى ورنالاسقان. تەك 2015 جىلى ول جەردەن 460 ادام بوساپ شىقتى. جۇمىسپەن قامتۋ بولىمىنە ولاردىڭ بارلىعى جۇگىندى. 159 ادام جۇمىسسىز رەتىندە تىركەلسە، ولاردىڭ 123ء-ى جۇمىسپەن قامتاماسىز ەتىلدى.

- بۇل وتە اۋقىمدى ماسەلە. الايدا بىزدە ماماندار جەتىسپەيدى. سوندىقتان ءبىز جۇمىسپەن قامتۋ باسقارماسىنا پولشا ەلىنىڭ تاجىريبەسىمەن الماسىپ كورۋدى ۇسىندىق. بۇل ەلدە قاراجات ۇكىمەتتىك ەمەس ۇيىمدارعا ءبولىنىپ، الەۋمەتتىك جانە قوعامدىق قىزمەتكەرلەر تۇرمەدەن بوساپ شىققانداردىڭ كەلەشەك تاعدىرىمەن سولار اينالىسادى، - دەدى ماۋليحات قۇساينوۆا.

بوستاندىققا شىققانداردىڭ ماسەلەلەرىمەن، ياعني، قۇجاتتاردى رەتتەۋ جانە جيناقتاۋ، الەۋمەتتىك بەيىمدەلۋى، جۇمىسپەن قامتىلۋى، كاسىبي ءبىلىم الۋلارى جانە الەۋمەتتىك-قۇقىقتىق كومەكتى مەملەكەتتىك ەمەس ۇيىمدار كورسەتەتىن بولادى.

«ۋستينكا-پليۋس» اقپاراتتىق پورتالى