مەملەكەتتىك قىزمەتشىلەر كۇنىنە وراي، وبلىسىمىزداعى ۇزدىك مەملەكەتتىك قىزمەتكەرلەر ماراپاتتالدى.

ەڭ ۇزدىك مەملەكەتتىك قىزمەتشىنى مەملەكەتتىك قىزمەتتىڭ ارداگەرلەرى، سالانىڭ قۇرمەتتى ماماندارى ىرىكتەدى. ناتيجەسىندە سىنعا تۇسكەن 56 مەملەكەتتىك قىزمەتشىنىڭ اراسىنان 11 نوميناسيا بويىنشا 11 ۇزدىك مەملەكەتتىك قىزمەتشى تاڭدالىپ الىندى.

مەرەكەلىك شارا بارىسىندا بارلىق مەملەكەتتىك قىزمەتشىلەردى شقو اكىمىنىڭ ورىنباسارى جاقسىلىق ومار قۇتتىقتاپ، مەملەكەتتىك قىزمەتشى جۇمىسىنىڭ اۋىرلىعىنا توقتالىپ ءوتتى.

- بيلىگى مىقتى ەلدىڭ تىرلىگى قۇتتى دەگەن حالىق دانالىعى بار. وسى بيلىكتى كۇشەيتۋ ءۇشىن تىرلىگىمىزدىڭ قۇتتىلىعى ءۇشىن، ءاربىر ءىسىمىزدىڭ بەرەكەلى بولۋى ءۇشىن مەملەكەتتىك قىزمەتكەرلەر جۇمىس ىستەپ كەلە جاتىر. قازىرگىدەي قازاقتىڭ التىن عاسىرىندا ەلباسىمەن بىرگە تاۋەلسىز قازاقستاندى قۇرىپ، سول يدەيالاردى جۇزەگە اسىرىپ، مەملەكەتتىڭ بيلىگىن كۇشەيتىپ، حالىقتىڭ ءال-اۋقاتىن ارتتىرۋعا ات سالىسىپ جۇرگەن ءار قايسىمىز وسى ۇلكەن زور باقىتتىڭ يەسىمىز، - دەدى جاقسىلىق مۇقاش ۇلى.

مەملەكەتتىك قىزمەتشىلەر مەرەكەسى مەن ق ر تاۋەلسىزدىگىنىڭ 25 جىلدىعىنا وراي مەملەكەتتىك قىزمەتشىلەر اراسىندا سپورتتىڭ 5 ءتۇرى بويىنشا 34 كوماندا قاتىسقان سپارتاكيادا ۇيىمداستىرىلدى. سپارتاكيادا قورىتىندىسى بويىنشا جالپىكوماندالىق 3-ورىندى شقو بويىنشا مەملەكەتتىك كىرىستەر دەپارتامەنتى، 2-ورىندى شقو بويىنشا مەملەكەتتىك قىزمەت دەپارتامەنتى، 1-ورىندى شقو قازىناشىلىق دەپارتامەنتىنىڭ ماماندارى جەڭىپ الدى. سونىمەن قاتار، بارلىق مەملەكەتتىك قىزمەتشىلەرگە ارنالىپ «مەملەكەتتىك قىزمەتتىڭ ونەر قىراندارى» اتتى سالتاناتتى كونسەرت ۇيىمداستىرىلدى.

«ۋستينكا-پليۋس» اقپاراتتىق پورتالى