15 شىلدەدەن شىعىس قازاقستاندا ىشكى اۋە تاسىمالى بويىنشا قوزعالىس قالپىنا كەلتىرىلەدى.  وسكەمەننەن سەمەي، ءۇرجار، زايسانعا ۇشاتىن اۋە رەيستەرى ءار باعىت بويىنشا اپتاسىنا ءۇش رەتتەن بولادى.  

بارلىق ىشكى اۋە رەيستەرى «الەۋمەتتىك تاسىمال» ستاتۋسىنا يە - تۇرعىندار ءۇشىن اۆيابيلەت باعاسى قاشىقتىققا بايلانىستى شامامەن 3-تەن 8 مىڭ تەڭگەگە دەيىن. ماسەلەن، وسكەمەننەن زايسانعا دەيىنگى اۋە  بيلەتىنىڭ قۇنى (ان-24 ۇشاعىمەن) - 6 مىڭ تەڭگە.

وسكەمەن-سەمەي-ۇرجار رەيسىمەن سايكەسىنشە 3 مىڭ جانە 8 مىڭ تەڭگەگە ۇشۋعا بولادى. ال سەمەيدەن ءۇرجارعا 7 مىڭ تەڭگەگە ۇشۋعا بولادى، دەپ حابارلادى وسكەمەن اۋەجايىندا.  

«وڭتۇستىك باعىت» كومپانياسىنىڭ الەۋمەتتىك اۋە تاسىمالدارىنىڭ قۇنىمەن ايىرماشىلىعى وبلىستىق بيۋدجەتتەن تولەنەدى.  

سونىمەن قاتار، جۋىردا تىركەلگەن «وڭتۇستىك باعىت» قازاقستاندىق اۋە كومپانياسى («سكات» ەنشىلەس كومپانياسى) وسىنداي ۇشاقپەن كۇن سايىن وبلىسارالىق «ءالماتى-ۇرجار» اۋە رەيسىن جاسايدى. جولاۋشىلار ءۇشىن اۆيابيلەت قۇنى  14 مىڭ تەڭگە بولادى. بۇل باعىت بويىنشا الەۋمەتتىك اۆيارەيستەردى رەسپۋبليكالىق بيۋدجەت سۋبسيديالايدى.

وسكەمەن اۋەجايىنىڭ باسشىسى نيكولاي كورولەنكو حابارلاعانداي، ان-24 ۇشاقتارىنا تەحنيكالىق قىزمەت كورسەتۋ وسكەمەن اۋەجايى بازاسىندا جۇزەگە اسپاق.