ق ر ىشكى ىستەر ءمينيسترىنىڭ ورىنباسارى يۋريي يلين جۇمىس ساپارىمەن شقو-دا ءجۇر. 
جۇمىس ساپارىنىڭ ماقساتى - ەرتىس وزەنىندەگى جاعدايمەن، شقو تجد مەكەمەلەرىنىڭ جۇمىسىمەن تانىسۋ.

ق ر ءىىم تجك رەسمي وكىلى رۋسلان يمانقۇلوۆتىڭ حابارلاۋىنشا، شىعىس قازاقستان وبلىسى اكىمىنىڭ ورىنباسارى د. گاريكوۆ، شقو تجد باسشىسى ر.نۇرباتشانوۆ جانە ق ر ءىىم تجك جانە وبلىستىق مۇددەلى قىزمەتتەردىڭ جاۋاپتى قىزمەتكەرلەرىمەن بىرگە ۇشۋ بارىسىندا يۋريي يلين ارنايى گيدروبەكەتتەر سۋ دەڭگەيىن باقىلاپ وتىراتىن قارا ەرتىس وزەنىنىڭ جاعدايىن بايقايدى. 
يۋ. ءيليننىڭ توراعالىعىمەن وتكەن جيىندا ول ناقتى تاپسىرمالار بەرىلدى. 
«باستى مىندەتىمىز - ادامداردىڭ ءومىرىن ورعاۋ جانە ساقتاپ قالۋ، 23-24 ماۋسىمدا ەرتىس وزەنىندە بولعان جاعدايدا ازاماتتىق قورعانىس قىزمەتى جۇمىسىن ءتيىستى دەڭگەيدە اتقاردى»، - دەدى يۋ. يلين.
جۇمىس ساپارى بارىسىندا يۋريي يلين وبلىستىق تجد-نىڭ تەحنيكاسىنىڭ دايىندىعىمەن تانىستى. 
تجد سپورت مانەجىندە يۋ. يلين وسكەمەن قالاسى اكىمدىگىنىڭ جانىنداعى جاس قۇتقارۋشىلار مەكتەبىنىڭ شاكىرتتەرىمەن اڭگىمەلەستى. 
يۋريي يلين شقو تجد «ءورت ءسوندىرۋ جانە اپاتتىق-قۇتقارۋ جۇمىستارى قىزمەتى» مم كاسىبي دايىندىق مەكتەبىندە بولدى، تجد ارداگەرلەر كەڭەسىنىڭ توراعاسىمەن كەزدەستى. 
ق ر ءىىم تجك «قازسەلقورعاۋ» مم وبلىستىق فيليالىندا مينيستر ورىنباسارى قىزمەتتىڭ دايىندىعىن جانە قازسەلقورعاۋ وكىلەتتىلىگىندەگى ورىن الۋى مۇمكىن توتەنشە جاعدايلاردى بولجاۋ جانە ونىڭ الدىن الۋ بويىنشا جۇمىستار ناتيجەسىن باعالادى. 
سونىمەن قاتار يۋ.يلين ق ر ءىىم تجك «اپاتتار مەديسيناسىنىڭ ورتالىعىندا» بولدى. 
جۇمىس ساپارىنىڭ العاشقى كۇنىندە وسكەمەن قالاسىنىڭ №2 ءورت ءسوندىرۋ بولىمىنە باردى.