وسكەمەن قالاسىنا جاساعان ساپارى اياسىندا «ازيااۆتو قازاقستان» اۆتوكولىك قۇراستىرۋ زاۋىتىنىڭ قۇرىلىس الاڭىن ارالاپ كورگەن مەملەكەت باسشىسى نۇرسۇلتان نازاربايەۆ ماشينا جاساۋ سالاسى يندۋستريالاندىرۋدىڭ باستى شەبى دەپ اتاپ ءوتتى.
«ارينە، الەم بويىنشا نە كوپ، ماشينا كوپ شىعارىلىپ جاتىر. باسەكە مىقتى. ءبىراق، ءبىز ساپا بويىنشا دا، باعا بويىنشا دا باسەكەگە شىداۋىمىز كەرەك، وسىلايشا، كورشىلەرىمىزدىڭ بارلىعىنا كولىگىمىزدى ساتۋ قاجەت. ءقازىر العاشقى كەزەڭدە الپىس مىڭ اۆتوكولىك، كەلەسى كەزەڭدە تاعى الپىس مىڭ اۆتوكولىك شىعارامىز. قيىن جاعدايعا قاراماستان، مەملەكەت سىزدەرگە كومەكتەسەدى»،- دەدى پرەزيدەنت «ازيا اۆتو قازاقستان» اق ديرەكتورلار كەڭەسىنىڭ ءتوراعاسى اناتوليي بالۋشكيننىڭ ەسەبىن تىڭداعان سوڭ،
ا.بالۋشكيننىڭ ايتۋىنشا، اليانستىڭ شەشىمىنە ساي، موڭعوليا، قىرعىزستان، تۇركىمەنستان ەلدەرىنىڭ نارىعى تولىقتاي قازاقستاننىڭ جاۋاپكەرشىلىگىنە بەرىلگەن. قازان ايىندا گرۋزيا جانە ءازىربايجان ەلدەرىمەن كەلىسىمشارت جاساۋ جوسپارلانىپ وتىر. ەكسپەريمەنت رەتىندە، بىرىككەن اراب امىرلىكتەرىنىڭ دە نارىعىنا اۆتوكولىك ساتۋعا قوسىمشا مۇمكىندىك بەرىلمەك ەكەن.
«وسىلايشا، حالىقارالىق كومپانياعا اينالاسىڭدار. جارايسىڭدار! ماشينا قۇراستىرۋ سالاسى ەل ەكونوميكاسىنداعى جاڭا سالا جانە ول ەلىمىزدىڭ شىعىسىنان باستاۋ الماق»، - دەدى مەملەكەت باسشىسى.
