ءال-فارابي اتىنداعى قازاق ۇلتتىق ۋنيۆەرسيتەتىندە كورەيانىڭ تەگۋ قالاسىندا ورنالاسقان كاتوليكتىك ۋنيۆەرسيتەتتەن (CUOD) كەلگەن فيزيوتەراپيەۆت پروفەسسور كيم دجۋن حي تەگىن كەڭەس بەرۋدە. دارىگەر قازاقستانعا ستۋدەنت-اسسيستەنتتەرىن دە ەرتە كەلگەن، - دەپ حابارلايدى Qamshy.kz.

بۇعان دەيىن قازۇۋ جانىنداعى قازاق-كورەي مەديسينا ورتالىعىندا ونسە (سەۋل قالاسى) ۋنيۆەرسيتەتىنىڭ كاننام سيەۆەرانس كلينيكاسىنىڭ قاتىسۋىمەن قايىرىمدىلىق شاراسى وتكەن بولاتىن. اتالمىش ءىس-شاراعا كورەي ەلىنەن كەلگەن 18 جانە قازۇۋ-دان 16 مەديسينالىق قىزمەتكەر مەن ەرىكتىلەر قاتىستى. ەستەرىڭىزگە سالا كەتسەك، 2015 جىلى كاننام سيەۆەرانس كلينيكاسىنىڭ ماماندارى مەن ەرىكتىلەرى وسكەمەن قالاسىنداعى ەمحانالاردا جەرگىلىكتى ماماندارمەن شەبەرلىك سىنىپتارىن دا وتكىزگەن بولاتىن.

ارىپتەستىكتىڭ جارقىن جالعاسى رەتىندە تەگۋ قالاسىنىڭ بولاشاق فيزيوتەراپيەۆتەرى بيىل الماتى قالاسىنا كەلدى. CUOD ۋنيۆەرسيتەتىنىڭ 3-كۋرس ستۋدەنتى قازۇۋ-دىڭ تەحنيكالىق مۇمكىندىكتەرى مەن ۇيىمداستىرۋشىلىق قابىلەتىن وتە جوعارى باعالادى. سونىمەن قاتار قازاقستانعا جاساعان العاشقى ساپارى ۇلتتىق ۋنيۆەرسيتەت پەن وقۋ ورنى ورنالاسقان تاۋلى ايماقتىڭ كەرەمەت بەينەلەرىمەن ەستە قالاتىنىن اتاپ ءوتتى.

كورەي ەلىنىڭ ستۋدەنتتەرى ءال-فارابي اتىنداعى قازۇۋ-دىڭ قوعامدىق دەنساۋلىق ساقتاۋ جوعارى مەكتەبى (قدسجم) جۇمىسىمەن تانىستى. قدسجم قازۇۋ جانىنان بيىل عانا اشىلعانىنا قاراماستان، ول بۇگىندە «lifelonglearning» نەگىزىندە ۇزدىكسىز ءبىلىم بەرۋ باعدارلاماسىن ۇسىنادى. يۋنەسكو، ەىجدۇ (ەكونوميكالىق ىنتىماقتاستىق جانە دامۋ ۇيىمدارى) جانە ەۋروپا كەڭەسى سياقتى جەتەكشى حالىقارالىق ۇيىمداردىڭ  پىكىرى بويىنشا، ءبىلىم بەرۋ ورتا جانە جوعارى ءبىلىم بەرەتىن «ينستيتۋتتار» بۇدان بۇرىن بەلگىلەگەن شەڭبەرمەن شەكتەلمەۋى ءتيىس. سوندىقتان سۇرانىستى قاناعاتتاندىرۋ ءۇشىن ديپلومالدى جانە ۇجىمدىق ءبىلىم بەرۋدى جولعا قويۋ كەرەك.

تەگىن كەڭەس الۋعا كەلۋشىلەردى قابىلداۋ بارىسىندا پروفەسسور كيم دجۋنگ حي سوڭعى ۋاقىتتا ۇلكەن قارقىنعا يە بولعان ۋربانيزاسيالانۋ ءۇردىسى كەڭسە قىزمەتكەرلەرىنىڭ دەنساۋلىعىنا كەرى اسەرىن تيگىزىپ جاتقاندىعىن باسىپ اتتى. كەلۋشىلەردىڭ دەنى كومپيۋتەر مەن از قيمىلدى قاجەت ەتەتىن جۇمىس ناتيجەسىندە پايدا بولعان شاعىمدارمەن كەلەدى. سونداي-اق پروفەسسور كەڭەسىندە بولعاندار وزدەرى قابىلداپ جۇرگەن دارى-دارمەكتىڭ تيىمدىلىگىنە بايلانىستى ءبىرقاتار سۇراقتارعا جاۋاپ الدى.

دارىگەردىڭ ايتۋىنشا، كوپتەگەن اۋرۋلاردى ءوز ءتانىڭىزدى تىڭداۋ ارقىلى ەمدەۋگە بولادى ەكەن. ماسەلەن، ناۋقاستىڭ تۇرىسىنداعى اسسيمەتريا نەگىزىندە، ونىڭ ارقا اۋرۋلارى شاعىمىن تەك قانا ۇدايى جاتتىعۋ جاساۋ ارقىلى جويۋعا بولاتىنىن ايتىپ، ناۋقاستىڭ جاعدايىن جاقسارتۋ ءۇشىن ەمدىك ماسساج جاسالادى. دارىگەر قابىلداۋىنان كەيىن ناۋقاستىڭ جاعدايى ايتارلىقتاي جاقسارىپ، باستاپقىدا بىلىنگەن اسسيمەتريا ەداۋىر ازايدى.

پروفەسسور كيم دجۋن ءحيدىڭ قابىلداۋىنان بولەك، قازۇۋ جانىنان قۇرىلعان مەديسينالىق ورتالىقتا جوعارى تەحنولوگيالارمەن جابدىقتالعان كابينەتتەردە كەشەندى تەكسەرىستەن وتۋگە بولادى. ۇلى ويشىل ءابۋ ناسىر ءال-فارابيدىڭ قايىرىمدى قالا يدەياسىن نەگىزگە الا وتىرىپ سالىنعان، الەمدە تەڭدەسى جوق «كەرەمەت» قىزمەت كورسەتۋ ورتالىعى بۇدان دا باسقا كوپتەگەن مۇمكىندىكتەرگە جول اشادى.