شىعىس قازاقستان وبلىسىنداعى جازعى بالالار لاگەرلەرىندە وڭىرلىك ۇشتىلدىلىك باعدارلاماسى اياسىندا مەكتەپ وقۋشىلارى قازاق، ورىس، اعىلشىن تىلدەرىن وقيدى.
بارلىعى 450 بالاعا ءۇش تىلدە ساباق بەرىلەدى. ناقتىراق ايتقاندا، جازعى ساۋىقتىرۋ لاگەرلەرىندە قازاق، ورىس جانە اعىلشىن تىلدەرى بارلىق ءۇش ماۋسىم ارالىعىندا ءتىل ماماندارى باسشىلىعىمەن وقىتىلادى.
ماسلەسەن، زايسان اۋدانى «بايتەرەك» لاگەرىندە 150 ورىس ءتىلدى وقۋشى «سيتۋاسيالىق قازاق ءتىلى» كىتابىنىڭ اۆتورى قانات تاسىبەكوۆتىڭ ادىستەمەسى بويىنشا قازاق ءتىلىن وقيدى.
«ءبىز قازاقستاندا تۇرامىز، مەملەكەتتىك ءتىلدى ءبىلۋىمىز قاجەت. بۇل بالالارمەن جۇمىس ىستەيتىن كەرەمەت مۇمكىندىك مەن ءۇشىن. تىلدەردى وقىتۋ ءتاسىلىمنىڭ بالالارعا پايداسى تيەدى دەپ ويلايمىن»، - دەدى ادىستەمە اۆتورى.
ال ورىس ءتىلىن «ايۋدا» لاگەرىندە تارباعاتاي، زايسان، كۇرشىم اۋداندارىنان كەلگەن 150 قازاق ءتىلدى وقۋشى ۇيرەنەدى.
اعىلشىن ءتىلىن «ءۇرجارايىم» لاگەرىندە 150 وقۋشى وقىماق. بالالارعا ساباقتى فيليپپيننەن كەلگەن روۆەنا گابۋت بەرەدى.
