بالىق شارۋاشىلىعى اۋدان ونەركاسىبىنىڭ نەگىزگى بولىگى بولىپ تابىلادى. ونىمەن اۋدان كولەمىندە زايسان كولىنىڭ جاعالاۋىندا ورنالاسقان تۇعىل، قابانباي اۋىلدىق وكرۋگتەرىنىڭ تۇرعىندارى شۇعىلدانادى. قالاپتاسقان ءداستۇر بويىنشا 15 شىلدە كۇنى جىلدا اۋدان بالىقشىلارى تۇعىل اۋىلىندا «بالىقشىلار» كۇنىن اتاپ وتەدى.

بيىلعى تاۋەلسىزدىكتىڭ 25 جىلدىعىنا ارنالعان ءىس-شارالار اياسىندا تۇعىل اۋىلىندا اۋدان بالىقشىلارىنىڭ قۇرمەتىنە ارنالعان كولەمدى مەرەكەلىك ءىس-شارالار وتكىزىلدى. مەرەكەلىك شارا بالىقشىلار قۇرمەتىنە ارنالعان سالتاناتتى جيىنمەن باستالدى. مەرەكەگە بايلانىستى اۋدان اكىمى د.ورازبايەۆ بالىق شارۋاشىلىعىندا كوپ جىل ەڭبەك ەتكەن زەينەتكەرلەرگە  «ەڭبەك ارداگەرى» جانە الەۋمەتتىك- ەكونوميكالىق دامۋىنا قوسقان ۇلەسى ءۇشىن مەدالدارىمەن ماراپاتتالدى. سونىمەن قاتار تۇعىل اۋىلىنىڭ اكىمى ب.امرەنوۆا قۇتتىقتاۋ ءسوز سويلەپ، مەرەكە يەلەرىنە سىي- سياپات جاسادى.

سالتاناتتى جيىننان سوڭ، مادەنيەت ءۇيىنىڭ ونەرپازدارى دايىنداعان كونسەرتتىك باعدارلامالارى ۇسىنىلدى.