پاۆلودار وبلىسىندا «ورتالىق-شىعىس» اۆتوبانىنىڭ 25 شاقىرىمدىق بولىگىن سالىپ جاتقان 450-گە جۋىق جۇمىسشىنىڭ جالاقىسى كەلەر اپتادا بەرىلمەك، - دەپ حابارلايدى Qamshy.kz Bnews.kz - كە سىلتەمە جاساپ.

ايتا كەتەيىك، قازىرگى تاڭدا ءتورت جولاقتى اۆتوبان ۋچاسكەسىنىڭ قۇرىلىسى توقتاپ تۇر. مامانداردىڭ ايتۋىنشا، مامىر ايىنان بەرى بەرىلمەگەن جالاقىدان بولەك، قۇرىلىس ماتەريالدارى مەن جانار-جاعارماي تاۋسىلىپ قالعان. اتالمىش 25 شاقىرىمدىق جول بولىگىن «اۆتودورسەرۆيس» جشس-نە قاراستى ءۇش سۋبماردىگەر سالىپ جاتىر. مامانداردىڭ ەسەپتەۋىنشە، باس مەردىگەر كومپانيا ولارعا 100 ملن تەڭگەگە جۋىق قارجى قارىز.

باس مەردىگەر فيرماسىنىڭ وكىلى كەلىپ، بىزبەن تىلدەستى. ونىڭ ايتۋىنشا، ماسەلە كەلەسى اپتادا تولىق شەشىمىن تاپپاق. ماسەلەن، مەن جەتەكشىلىك ەتەتىن «ادس-تك» ءجشس-نىڭ قاراماعىندا 160-تان استام ادام ەڭبەك ەتەدى. تاعى ەكى سۋبمەردىگەر فيرمانىڭ ەڭبەككەرلەرى دە جالاقىسىز وتىر. بۇگىن ديزەل وتىنى تاۋسىلىپ قالدى. ەندى قۇرىلىس ماتەريلادارى مەن جانار-جاعارماي اكەلىنبەيىنشە، جۇمىسىمىزدى جالعاستىرا المايمىز»، - دەيدى سۋبمەردىگەر كومپانياسىنىڭ ديرەكتورى ۆياچەسلاۆ ساۆينوۆ.+

قۇرىلىسشىلاردىڭ ايتۋىنشا، اتالمىش نىسان قازان ايىنىڭ سوڭىندا پايدالانۋعا بەرىلۋى ءتيىس.

«قارجى ۋاقىتىندا تۇسپەسە، كەشىگىپ قالۋىمىز مۇمكىن. نىسان «نۇرلى جول» باعدارلاماسى اياسىندا سالىنىپ جاتىر. سوندىقتان، بىزگە ارتار جاۋاپكەرشىلىكتىڭ دە جۇگى اۋىر. ەگەر جالاقىمىز بەن قۇرىلىس ماتەريالدارىنا ارنالعان قارجى كەلەسى اپتادا بەرىلسە، جولدىڭ قۇرىلىسىن دەر كەزىندە اياقتاۋعا مۇمكىندىك بار»، - دەيدى ماماندار.