اۋىر ناۋقاسقا شالدىققان جانعا كومەك قاجەت!
بۇل كۇنى باسى اۋىرىپ، بالتىرى سىزدامايتىن كىسى جوق شىعار. ءبىراق، «ءقازىر كىم اۋىرماي جاتىر!» دەپ نەمقۇرايلى قاراۋعا بولمايتىن جاعدايلار بولادى. قىتايدان ەلىمىزگە 2003 جىلى كوشىپ كەلگەن قانداسىمىز گۇلزيپا قاۋمەت ءقازىر سونداي اۋىر حالگە دۋشار بولىپ وتىر.
گۇلزيپا قاۋمەت بيىل اقپان ايىندا دەنساۋلىعى ناشارلاپ، ءوزى تۇرىپ جاتقان الماتى وبلىسى تەكەلى قالاسىنداعى اۋرۋحاناعا تۇسەدى. دارىگەرلەر ءاۋ باستا اسقازان، ۇيقى بەزىنىڭ اۋرۋى دەپ، ەمدەۋگە كىرىسەدى. كەيىن بۇيرەگى اۋىرۋى مۇمكىن دەگەن اڭگىمە شىعىپ، ناۋرىز ايىندا قىتايدىڭ ءۇرىمجى قالاسىنا ۇشاقپەن جەتكىزىلەدى. ونداعى دارىگەرلەر گۇلزيپانىڭ بۇيرەك اۋرۋىنا شالدىققانىن راستاپ، «جۇيەلى قىزىل جەگى» دەگەن دياگنوزىن قويادى. ول جەردە ەكى ايعا جۋىق قان سۇزگىزگەن سوڭ تۇرعىلىقتى جەرى بويىنشا ەمدەلۋ ءۇشىن قازاقستانعا قايتا ورالعان.
الماتى قالاسىنداعى 7-اۋرۋحانادا اقىلى بولىمدە ەم قابىلداعان سوڭ، دارىگەرلەردىڭ ۇيعارىمىمەن تەكەلى قالاسىنىڭ اۋرۋحاناسىنا جونەلتىلگەن. ءقازىر تەكەلىدە تۇراقتى تۇردە (ەكى كۇندە ءبىر رەت) قان سۇزگىزىپ جاتقان جايى بار. دارىگەرلەردىڭ قويعان دياگنوزى: ءورشۋ ساتىسىنداعى نەفروتيكالىق سيندرومدى سوزىلمالى گلومەرۋلونەفريت (ىسىنۋلەر، انا-ساركا). سوزىلمالى بۇيرەك جەتىسپەۋشىلىگى، 2-ساتى. ەكىنشىلىك انەميا. سوزىلمالى بۇيرەك اۋرۋى، 2-ساتى. تەز ءورشۋشى گلومەرۋلونەفريت، ەكىنشىلىك انەميانىڭ ارالاس ەتيولوگياسى.
گۇلزيپانىڭ كۇيەۋى نۇربولات جۇماحان ۇلى اقپان ايىنان بەرى ءبىراز ۋاقىتتارىن جوعالتىپ العاندارىن، دارىگەرلەردىڭ دە شۇعىل بۇيرەك اۋىستىرۋعا كەڭەس بەرگەنىن ايتادى. دارىگەرلەر ناۋقاستىڭ قوس بۇيرەگى دە 85 پايىزعا قالپىنا كەلۋ مۇمكىندىگىنەن ايرىلعانىن جەتكىزگەن. ن. جۇماحان ۇلى جەڭىلدىكسىز ءبىر بۇيرەكتى اۋىستىرۋ، دونور اقىسى ءۇشىن 5 ميلليون تەڭگە قاراجات كەرەكتىگىن ايتىپ، قايىرىمدى جانداردان كومەك سۇرايدى. ايتۋىنشا، cىرقاتتىڭ سىرى انىقتالىپ، ناقتى دياگنوز قويىلعانشا، جۇڭگو دارىگەرلەرىن ارالاپ جۇرگەندە كوپ قارجى شىعىندالعان. اقپان ايىنان بەرى ەكى ەلدىڭ اراسىندا ءجۇرىپ، وسىندا ءتۇرلى زەرتتەۋلەرگە ءتۇسىپ ءجۇرىپ، 30 مىڭ اقش دوللارىنا جۋىق اقشا جۇمساعان. ەندى دياگنوز ناقتىلانىپ، وپەراسيا جاساۋ تۋرالى شەشىم شىققاندا قاراجات جەتىسپەۋشىلىگى قول بايلاۋ بولىپ وتىرعاندارىن ايتادى. تەكەلى قالاسىنداعى مەنشىگىندەگى جالعىز ۇيلەرىن ساتپاق بوپ قانشا ارەكەتتەنسە دە، الۋشى تابىلماي وتىرعان كورىنەدى،
«شاڭىراق كوتەرگەنىمىزگە 12 جىل بولدى. كەلىنشەگىمنىڭ دەنساۋلىق جاعدايىنا بايلانىستى بالا سۇيە الماي كەلدىك. اتامەكەنگە كەلۋدەگى ماقساتىمىز دا بالالارىمىزدىڭ كىندىك قانى اتاجۇرتتا تامسا، وسىندا ءوسىپ، وركەندەسەك دەگەن وي ەدى»،- دەيدى نۇربولات.
اۋىر سىرقات ەڭسەسىن ەزىپ، جانىنا باتسا دا گۇلزيپانىڭ رۋحىن سىندىرىپ، ومىرگە دەگەن قۇلشىنىسىن قايتارىپ، ءۇمىت وتىن وشىرمەگەن.
«بۇيرەگىم ىستەن شىقسا دا، جۇرەگىم وتان دەپ سوعادى. ءالى دە اۋرۋىمنان ايىعىپ كەتەتىنىمە ءۇمىتتىمىن»، - دەيدى.
وتاسقاندارىنا 12 جىل بولسا دا بالا سۇيمەگەن ەرلى-زايىپتىلار ءالى دە وتباسىلىق ءومىردىڭ قىزىعىنان ءۇمىتتى. اۋىر ناۋقاسقا شالدىعىپ، قيىن جاعدايدا قالعان قانداستارىمىزعا مۇمكىندىگىمىزشە كومەك قولىن سوزىپ، قايىرىم جاسايىق، اعايىن! ءوزىم دەپ كەلگەن جۇرتىنىڭ وزەكتەن تەپپەيتىنىن كورسەتەيىك!
ناۋقاستىڭ بانكتەگى رەكۆيزيتتەرى:
قاۋمەت گۇلزيپا
يين: 760512403204
«حالىق بانك» كارتاسى: 6233 5710 4260 7255
KZ 236010002008027370
بايلانىس تەلەفوندارى: 87026218228، 87057798357
