ارمەنيا پوليسياسى كەپىلگە الىنعان پوليسەيلەردى بوساتۋ تۋرالى كەلىسسوزدەردى جالعاستىرۋدا، - دەپ حابارلايدى Qamshy.kz.
ۇزاق ۋاقىتقا سوزىلعان كەلىسسوزدەر ناتيجەسىندە كەپىلگە الىنعان ەكى ءتارتىپ ساقشىسىنىڭ بوساتىلعاندىعى تۋرالى ارمەنيانىڭ ۇلتتىق قاۋىپسىزدىك قىزمەتى حابارلاعان. ەريەۆانداعى پوليسيا بولىمشەسىنىڭ عيماراتىن 17 شىلدەدە قارۋلى توپ باسىپ الىپ، قارۋدى زاڭسىز ساقتادى دەگەن ايىپپەن قامالعان وپپوزيسيالىق ۇيىم كورديناتورى جيراير سەفيلياندى بوساتۋدى تالاپ ەتكەن. پوليسيا بولىمشەسىنە شابۋىل كەزىندە ءبىر ءتارتىپ ساقشىسى مەرت بولىپ، التاۋى جارالانعان. 18 شىلدەدە قارۋلى توپ باسىپ العان بولىمشەدەن ەكى تۇتقىن بوساتىلدى. بولىمشەدە كەپىلدە وتىرعان ءالى ءتورت پوليسيا قىزمەتكەرى بار. شابۋىل جاسالعان كۇنى ەريەۆاننىڭ ورتالىعىنداعى بوستاندىق الاڭىندا پوليسەيلەر ونداعان ادامدى ۇستاعان. ولاردىڭ اراسىندا وپپوزيسيا بەلسەندىلەرى دە بار.
