بۇۇ راديوسىنىڭ اقپاراتتارىنا سايكەس، جۇما كۇنى جۋرناليستەردىڭ الدىندا سويلەگەن سوزىندە بۇۇ-نىڭ انتيتەررورلىق كوميتەتىنىڭ اتقارۋشى ديرەكتورى جان-پول لابوردە بيىلعى رامازان ايىندا  «يسلام مەملەكەتى» ۇيىمى 16 مەملەكەتتىڭ اۋماعىندا جاساعان 393 تەررورلىق وقيعا تىركەلگەنىن جاريا ەتتى، - دەپ حابارلايدى Qamshy.kz.

بۇگىندە دۇنيەجۇزىندە 100 مەملەكەتتەن شىققان 30 مىڭ تەرروريست بار ەكەن. وسىنشا ساندى تەرروريستەردىڭ الەم ءۇشىن ۇلكەن ءقاۋىپ ەكەنى ءسوزسىز. «تەرروريزم ءقاۋپى تۇراقتى ءارى وكىنىشكە وراي، رەالدى كۇيىندە قالىپ وتىر» دەگەن جان-پول لابوردە، بۇل قاتەرمەن ءار مەملەكەت جەكە كۇرەسە المايتىنىن دا ەسكە سالدى. «يسلام مەملەكەتىنىڭ»  اسكەري جەڭىلىسىنە تەررورلىق ارەكەتتەردىڭ جۇزەگە اسۋى مەن ۇيىمنىڭ مۇمكىندىكتەرى  تاۋەلدى ەمەس. «يسلام مەملەكەتىمەن» اسكەري قۇرىلىم عانا ەمەس، تەررورلىق توپ رەتىندە كۇرەسۋ قاجەت» دەدى، كوميتەت جەتەكشىسى. جان-پول لابوردەنىڭ ايتۋىنشا، جۋىق ارادا بۇل ۇيىم تاراپىنان تاعى دا تەررورلىق جارىلىستار جاسالۋى ابدەن مۇمكىن.